ტეილორ სვიფტის თქმით, პანდემიისას, როდესაც თავის მორიგ ალბომზე მუშაობდა, თავს მარტოსულად გრძნობდა

მომღერალმა ეს მელბურნში გამართული კონცერტის დროს გაამხილა.
ფოტო: გრეჰემ დენჰოლმი/Getty Images/TAS Rights Management

ტეილორ სვიფტი საკონცერტო ტურნეს აგრძელებს. ერთ-ერთი ბოლო შოუ ვარსკვლავმა მელბურნში, ავსტრალიაში გამართა. ერთ-ერთი სიმღერის შესრულების წინ სვიფტმა სცენიდან აუდიტორიას მიმართა და გაამხილა, რომ 2020 წელს, როცა ის მუშაობდა ალბომზე სახელწოდებით Folklore, თავს მარტოსულად გრძნობდა. აღსანიშნავია, რომ ტეილორ სვიფტმა Folklore კოვიდ-პანდემიის დროს ჩაწერა. 

„წარმოვიდგენდი, რომ ვიქტორიანული ეპოქის ქალი ვიყავი, რომელიც ტყეში სანთლით დახეტიალობდა” – თქვა სვიფტმა „[წარმოვიდგენდი], რომ ბუმბულით და პიგმენტით ვწერდი. სწორედ ასე გამოიყურებოდა ჩემ გონებაში Folklore-ზე მუშაობის პროცესი.”

კარანტინში ყოფნისას დაწერილ ალბომში სვიფტის არაერთი ჰიტი შევიდა. მათ შორის არის Exile, Betty, Cruel Summer. „კარანტინის ადრეულ ეტაპზე ალბომის ჩაწერას არ ვგეგმავდი, უბრალოდ ფილმების ყურება დავიწყე, ყოველ ღამე სხვადასხვა ფილმს ვუყურებდი. მრცხვენია ვაღიარო, რომ Pan’s Labyrinth იმ დრომდე არ მქონდა ნანახი.” – თქვა სვიფტმა Entertainment Weekly-სთან საუბრისას 

ამჟამად ტეილორ სვიფტი  ტურნეს ფარგლებში კონცერტებს ავსტრალიაში მართავს. მელბურნის შემდეგ ის  მსმენელის წინაშე სიდნეიში წარდგება. კონცერტები ასევე დაგეგმილია ისეთ ქვეყნებში, როგორებიც არის სინგაპური, საფრანგეთი, შვედეთი, პორტუგალია, გაერთიანებულ სამეფო და კანადა.

Share
Tweet
Share
Share
Share

წინა სტატია

Soft Eject - Please, just carry on

Soft Eject-ის ყველაზე ცნობილი სიმღერის  შექმნის ისტორია

შემდეგი სტატია

ბიბი კვაჭაძე ახალ კომპოზიციას აზიარებს

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი