თამადამ მსოფლიოში ცნობილ მუსიკალურ პლატფორმა COLORS-თან ითანამშრომლა. მათი ერთობლივი ნამუშევრის პრეზენტაცია დღეს COLORS-ის youtube არხზე შედგება. ამის შესახებ სოციალურ ქსელში თავად მუსიკალურმა სტუდიამ დაწერა: „წარმოგიდგენთ ქართველ მომღერალს, ავტორსა და პროდიუსერ თამადას მისთვის დამახასიათებელი ჟღერადობების უნიკალური ნაზავით.”
Პოსტი თავად მუსიკოსმა გააზიარა და აღნიშნა, რომ ეს ცნობილ მუსიკალურ პლატფორმასთან თანამშრომლობის პირველი ნაწილია. მეტ ინფორმაციას კი მსმენელს ვიდეოს გამოქვეყნების შემდეგ დაჰპირდა.
COLORS ერთ-ერთი ყველაზე დიდი და ცნობილი მუსიკალური პლატფორმაა, რომელიც აერთიანებს მუსიკოსებს მთელი მსოფლიოდან და წარმოაჩენს ყველაზე გამორჩეულ ახალ არტისტებსა და ორიგინალურ ჟღერადობებს. მისი ვიდეოები ცნობილია მინიმალისტური ესთეტიკით, რომელსაც მონოქრომული სივრცე ქმნის. თამადას ვიდეო A Colors Show-ს სერიის ნაწილია, რომლის ფარგლებშიც არტისტები თავიანთ ნაწარმოებს ერთ ფერში გადაწყვეტილ ოთახში ასრულებენ. Სადა და მინიმალისტური გარემო მუსიკოსს საშუალებას აძლევს, რომ მთელი ყურადღება მასზე იყოს მიმართული და ყველა სხვა გამღიზიანებლის გარეშე წარმოაჩინოს თავისი მუსიკა.
თამადას A Color Show-ს პრემიერა თბილისის დროით 21:00 საათზე შედგება. ვიდეოს ნახვას შეძლებთ ქვემოთ მოცემულ ბმულზე:
