ნუცა ბუზალაძის ევროვიზიის სიმღერისა და ვიდეორგოლის პრემიერა

2024 წლის ევროვიზიის კონკურსზე ნუცა ბუზალაძე შეასრულებს სიმღერას Firefighter.

11 მარტს ევროვიზიაზე საქართველოს წარმომადგენლის, ნუცა ბუზალაძის სიმღერისა და ვიდეორგოლის პრემიერა შედგა.

სიმღერის სახელწოდება, Firefighter, ქართულად ცეცხლთან მებრძოლს ნიშნავს, ამ ცეცხლში კი, ნუცა ბუზალაძის თქმით, ყველა ის უარყოფითი რამ არის ნაგულისხმები, რაც მსოფლიოს გარშემო ხდება და რასაც მომღერალი ამ სიმღერით უპირისპირდება.

სიმღერის ავტორები მაკედონელი კომპოზიტორი დარკო დიმიტროვი და ალბანელი ადა სატკა არიან. რეჟისურა ზაზა ორაშვილს ეკუთვნის, მხატვარი შაკო პოპიაშვილია, ქორეოგრაფი იტალიელი ლუიჯი ალოკაა, კოსტიუმები ლაშა ჯოხაძესა და ალექსანდრე ახალკაციშვილის  დიზაინით შეიქმნა, მონტაჟის რეჟისორი კი ნესტან სინჯიკაშვილია.

ნუცა ბუზალაძის გზა ევროვიზიამდე საკმაოდ მრავალფეროვანია – იგი არაერთი მასშტაბური კონკურსის მონაწილე იყო. ნუცა ბუზალაძე  2023 წელს American Idol-ის ტოპ 12 მონაწილეს შორის მოხვდა. ნუცამ როგორც საქართველოში ასევე მის ფარგლებს გარეთაც გაითქვა სახელი. American Idol-ის შოუს  ფინალში კი მან დუეტი პოპ ვარსკვლავ კაილი მინოუგთან ერთად შეასრულა. რაც შეეხება სადებიუტო ალბომს, მომღერალმა ის 2019 წელს გამოსცა.

ნუცა ბუზალაძის კონკურსების სია კი ასე გამოიყურება: „ნიჭიერი“ (ნახევარფინალისტი, 2011) „ერთი–ერთში“ (ფინალისტი, 2013), „ახალი ტალღა“ (გამარჯვებული, 2014) „ცეკვავენ ვარსკვლავები“ (ნახევარფინალისტი, 2015), „The Voice of Turkey“ (ნახევარფინალისტი, 2017) „ყველა ერთად“ (ფინალისტი, 2020), Kenga Magjike (გამარჯვებული, 2021) „ყველა ერთად“ (ფინალისტი, 2021) და ბოლოს  American Idol (ტოპ 12, 2023). 

ევროვიზია 2024-ის ნახევარფინალური ტურები 7 და 9 მაისს შვედეთის ქალაქ მალმეში გაიმართება, ნუცას გამოსვლა კი ევროვიზიის სცენაზე 9 მაისს არის ჩანიშნული. ევროვიზიის ფინალური შოუ 11 მაისს არის დაგეგმილი.

ნახეთ ნუცა ბუზალაძის ევროვიზიის სიმღერა და ვიდეორგოლი:

Share
Tweet
Share
Share
Share

წინა სტატია

„ბასისტების დედოფალი” – ნიკ უესტი Billboard Georgia Stage-ზე

შემდეგი სტატია

მარინა სოლომონია

მარინა სოლომონია – სოხუმის სახელმწიფო დრამატული თეატრის მსახიობი

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

OneRepublic – მსოფლიო ჰიტების ავტორი ბენდი Starring Georgia-ს სცენაზე

მსოფლიო მუსიკალურ სცენაზე გამოჩენიდან დღემდე ბენდმა 16 მილიონზე მეტი ჩანაწერი გაყიდა და შეძლო, რომ ყველა ალბომში წარედგინა ისეთი ტრეკი, რომელიც მსოფლიო ჰიტი ხდებოდა.
მეტი
Ninshū- (ლევან ქათამაძე)

ქართველი არტისტის,  Ninshū-ს (ლევან ქათამაძე) ახალი ალბომი   Presence –  ინტერვიუ Billboard საქართველოსთან

„ალბომზე მუშაობა დავიწყე 2023 წლის თებერვალში და, რაც უფრო მეტს ვმუშაობდი მასზე, მით უფრო აშკარა ხდებოდა ალბომის მთავარი სათქმელი და საბოლოოდ ალბომს დაერქვა Presence ანუ აწმყო.“
მეტი

ტეილორ სვიფტმა ვიდეო გამოაქვეყნა, სადაც სახე Post Malone-ის მსგავსი ტატუებით აქვს მოხატული

Fortnight ტეილორ სვიფტის პირველი მუსიკალური ვიდეოა ახალი ალბომიდან სახელწოდებით The Tortured Poets Department.
მეტი

ვაშინგტონის „ამერიკულმა უნივერსიტეტმა” ტეილორ სვიფტთან დაკავშირებული ეკონომიკის კურსი – Swiftonomics წარადგინა

მომღერალთან დაკავშირებული თემატური კურსები უკვე არსებობს ისეთ სახელგანთქმულ უნივერსიტეტებში, როგორებიც არის ჰარვარდი, სტენფორდი და სხვები.
მეტი
Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი