ბერლინის ფილარმონიული ორკესტრის კონცერტებს წინანდალსა და თბილისში დენიელ ჰარდინგი უდირიჟორებს

დენიელ ჰარდინგი მისი თაობის ერთ-ერთი ყველაზე წარმატებული დირიჟორია.

მაისში საქართველო ისტორიულ ევროპაკონცერტს მასპინძლობს. ბერლინის ფილარმონიული ორკესტრი ქართველი მსმენელისთვის 1-ელ მაისს წინანდლის მამულში, ხოლო 2 მაისს თბილისის ოპერისა და ბალეტის თეატრში დაუკრავს. 

ბერლინის ფილარმონიული ორკესტრი 1882 წელს, სწორედ პირველ მაისს დაარსდა და დღეს მსოფლიოს ერთ-ერთ საუკეთესო ორკესტრადაა აღიარებული. მისი საპატიო დირიჟორი დანიელ ბარემბოიმია, რომელიც ორკესტრთან ერთად საქართველოში უნდა ჩამოსულიყო, თუმცა ჯანმრთელობის მდგომარეობის გაუარესების გამო, მისი მონაწილეობა საქართველოსა და გერმანიაში დაგეგმილ კონცერტებში გაუქმდა.

„ძალიან ვწუხვარ, რომ ჯანმრთელობის მდგომარეობის გამო, იძულებული ვარ, გავაუქმო ჩემი მონაწილეობა წინანდლისა და თბილისის, ასევე ლიზა ბათიაშვილთან ერთად ბერლინში დაგეგმილ კონცერტებში. დარწმუნებული ვარ, ჩემი კოლეგები შესანიშნავად გაართმევენ თავს ამ ღონისძიებებს. მე კი საშუალება მომეცემა, რომ არაჩვეულებრივ ქართველ მაყურებელს სხვა დროს შევხვდე,” – აღნიშნა დირიჟორმა. 

დანიელ ბარემბოიმს წინანდალსა და თბილისში დაგეგმილ კონცერტებზე ცნობილი ინგლისელი დირიჟორი დენიელ ჰარდინგი შეცვლის. ჰარდინგისა და ბერლინის ფილარმონიული ორკესტრის თანამშრომლობა 1996 წელს დაიწყო, როცა მან პირველად უდირიჟორა ორკესტრს. იმავე წელს შედგა მისი დებიუტი მსოფლიოში კლასიკური მუსიკის ყველაზე დიდ ფესტივალზე BBC Proms და ფესტივალის ისტორიაში ყველაზე ახალგაზრდა დირიჟორი გახდა. დენიელ ჰარდინგი მისი თაობის ერთ-ერთი ყველაზე წარმატებული დირიჟორია. ამჟამად ის შვედეთის რადიოს სიმფონიური ორკესტრს ხელმძღვანელობს.

თუმცა ორკესტრთან ერთად, უკვე რამდენიმე წელია, რაც ჰარდინგი საჰაერო ეკიპაჟსაც ხელმძღვანელობს. ის Air France-ის სერტიფიცირებული პილოტია, რაც, მისი თქმით, დირიჟორობის ახალ პერსპექტივას უხსნის: „ერთი, რაც შემიძლია ჩემი ორმაგი ცხოვრების შესახებ ვთქვა, ის არის, რომ რისკი კონცერტებზე გამართლებულია, რადგან იქ ამის გაკეთება უსაფრთხოა,” – აღნიშნავს ჰარდინგი – მსოფლიოში ერთადერთი დირიჟორი პილოტის ლიცენზიით.

ჰარდინგს უდირიჟორია მსოფლიოს წამყვანი ორკესტრებისთვის ისეთ სცენებზე, როგორებიცაა მილანის ლა სკალა, ვენის თეატრი, ვენის ოპერის თეატრი, ლონდონის სამეფო ოპერის თეატრი და სხვები. საქართველოში გამართული კონცერტები კი მისი დირიჟორობით გამართული რიგით მეორე ევროპაკონცერტი იქნება  2019 წლის შემდეგ. ბერლინის ფილარმონიის ფონდი მადლობას უხდის ჰარდინგს, რომელმაც ყველა კონცერტის გადაბარება შეძლო.

საკონცერტო პროგრამა უცვლელი რჩება:

1-ელი მაისი, 13:00
წინანდლის ამფითეატრი:

ბერლინის ფილარმონიული ორკესტრი
დენიელ ჰარდინგი – დირიჟორი
ლიზა ბათიაშვილი –  ვიოლინო

ფრანც შუბერტი, „ჯადოსნური არფა” D 644: უვერტიურა
იოჰანეს ბრამსი, კონცერტი ვიოლინოსა და ორკესტრისთვის რე მაჟორი თხზ. 77
ლუდვიგ ვან ბეთჰოვენი, სიმფონია N5 სი მინორი თხზ. 67

2 მაისი, 20:00
თბილისის ზაქარია ფალიაშვილის ოპერისა და ბალეტის თეატრი:

ბერლინის ფილარმონიული ორკესტრი
დენიელ ჰარდინგი – დირიჟორი
ლიზა ბათიაშვილი – ვიოლინოფრანც შუბერტი, „ჯადოსნური არფა” D 644: უვერტიურა
იოჰანეს ბრამსი, კონცერტი ვიოლინოსა და ორკესტრისთვის რე მაჟორი თხზ. 77
ლუდვიგ ვან ბეთჰოვენი, სიმფონია N5 სი მინორი თხზ. 67

Share
Tweet
Share
Share
Share

წინა სტატია

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

შემდეგი სტატია

არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

შეიძლება დაგაინტერესოთ

მუსიკალური გამომცემლების ეროვნული ასოციაცია Spotify-ს არალიცენზირებული მასალის განთავსებაში ადანაშაულებს

ასოციაციამ Spotify-ს ოფიციალური წერილით მიმართა და ამ მასალის პლატფორმიდან ამოღება მოსთხოვა.
მეტი

TBILISI NEWCOMERS 2024

Tbilisi Newcomers 2024-ზე საკონკურსო ნამუშევრების მიღებამდე ერთი დღე რჩება.
მეტი

Wicked-ის კადრს მიღმა სცენებში არიანა გრანდე და სინთია ერივო როლზე დამტკიცებას ემოციურად ხვდებიან

პრემიერამდე რამდენიმე თვით ადრე კინოსტუდია Universal Pictures-მა კადრს მიღმა დარჩენილი სცენების ვიდეო გამოაქვეყნა, რომელშიც მთავარი გმირები პროექტზე საუბრობენ.
მეტი