78 წლის ასაკში ცნობილი ჯაზ-საქსოფონისტი დევიდ სენბორნი გარდაიცვალა. მუსიკოსი სიმსივნეს ებრძოდა. ინფორმაცია სენბორნის სოციალური მედიის გვერდებზე დადასტურდა:
„ბატონი სენბორნი 2018 წლიდან პროსტატის სიმსივნეს ებრძოდა, თუმცა, მიუხედავად ამისა, ბოლო წუთამდე ახერხებდა მუსიკალური კარიერის გაგრძელებას. მას უკვე 2025 წლისთვისაც კი დაგეგმილი ჰქონდა კონცერტები,” – ვკითხულობთ განცხადებაში. „დევიდ სენბორნი თანამედროვე პოპისა და ჯაზის პიონერი იყო. როგორც ამბობენ, მან როკ-ენ-როლში საქსოფონი დააბრუნა.”
კარიერის განმავლობაში სენბორნი უკრავდა ისეთ მუსიკოსებთან, როგორებიც იყვნენ სტივი უანდერი, დევიდ ბოუი, ბი ბი კინგი, პოლ საიმონი, ელტონ ჯონი, ჩაკა ხანი, ბრუს სპრინგსტინი, არეტა ფრანკლინი, მიკ ჯაგერი და სხვები.
როგორც დამოუკიდებელი არტისტი, სენბორნი 17 ალბომით არის შესული Billboard 200 ჩარტში. ის არის 6 გრემის მფლობელი სხვადასხვა კატეგორიაში.
