ლოს-ანჯელესის ღონისძიებიდან ორი თვის შემდეგ 2024 წლის GLAAD Media Awards-მა ნიუ-იორკში გადმოინაცვლა და დარჩენილი გამარჯვებულები გამოავლინა.
წლევანდელ გამარჯვებულთა შორის იყო „ბილბორდიც”. გამორჩეული ბეჭდური სტატიისთვის ჯილდო Billboard Pride-ის რედაქტორის, სტივენ დოუს 2023 წლის ივნისში გამოქვეყნებულმა სტატიამ დაიმსახურა, რომელიც დრეგ არტისტებს ეძღვნება. ეს 2018 წლის შემდეგ „ბილბორდისთვის” GLAAD-ის მეორე ჯილდოა.
GLAAD Media Awards მედია დაჯილდოებაა, რომელიც ლგბტ თემის ირგვლივ შექმნილ საუკეთესო ნამუშევრებს გამოავლენს. სატელევიზიო, ბეჭდური და ონლაინ მედიის გარდა, ჯილდო ვრცელდება ხელოვნების ისეთ სფეროებზეც, როგორებიცაა თეატრი, ფილმი, მუსიკა და რეკლამა. დაჯილდოება 1990 წლიდან ლოს-ანჯელესსა და ნიუ-იორკში იმართება.
ნომინაციებისა და გამარჯვებულების სია ნახეთ ბმულზე.
