ემინემის ახალი ტრეკი, Houdini, მსმენელმა კვირის რჩეულ ახალ ნამუშევრად დაასახელა

Billboard-ის გამოკითხვაში Houdini-მ ხმების 46% დაიმსახურა.
ფოტო: თიო ვარგო / Getty Images / The Rock and Roll Hall of Fame

2024 წლის ზაფხულს ემინემი ახალი ალბომით ბრუნდება. The Death of Slim Shady (Coup De Grâce) რეპერის მე-12 სტუდიური ჩანაწერი იქნება და მას არტისტი 4-წლიანი პაუზის შემდეგ გამოსცემს. 31 მაისს ემინემმა დაანონსებული ალბომიდან პირველი სინგლი, Houdini წარადგინა. 

ტრეკი წარმატებული აღმოჩნდა და მსმენელების  გადაწყვეტილებით Billboard-ის გამოკითხვაში კვირის საუკეთესო ახალ ნამუშევრად დასახელდა. ემინემის ახალმა სინგლმა ხმების 46% დაიმსახურა.  

ემინემის ამ დროისათვის ბოლო სტუდიური ალბომი, Music to Be Murdered By, 2020 წელს გამოვიდა. Billboard 200-ის ჩარტში, რომელიც ალბომების რეიტინგს განსაზღვრავს, ნამუშევარი პირველ ადგილს იკავებდა. 

რაც შეეხება Houdini-ის, რეპერმა სინგლი კლიპთან ერთად გამოუშვა. ვიდეოში მონაწილეობენ პიტ დევიდსონი, Dr. Dre, 50 Cent, Snoop Dogg და სხვა ცნობილი სახეები. ემინემმა თავისი ახალი ალბომი მას შემდეგ დააანონსა, რაც ამერიკის ეროვნული ლიგის ყოველწლიურ ღონისძიებაზე, NFL Draft-ზე გამოჩნდა. ღონისძიება 2024 წელს სწორედ ემინემის მშობლიურ ქალაქში, დეტროიტში ჩატარდა. ალბომთან დაკავშირებული გეგმების ოფიციალურად გავრცელებამდე მედიაში რეპერის ახალი ნამუშევრის შესახებ ცნობები Dr. Dre-მ გაავრცელა, როდესაც მარტში ჯიმი კიტელის შოუს სტუმრობდა. 

ნახეთ ემინემის ახალი ტრეკი – Houdini და მასზე გადაღებული მუსიკალური ვიდეო: 

Share
Tweet
Share
Share
Share

წინა სტატია

ARCHIVE (c) TBILISI OPEN AIR / Shalika Studio

ბრიტანული ბენდის, ARCHIVE-ის ხმოვანი ნარატივი – Tbilisi Open Air-ზე

შემდეგი სტატია

6 ივნისს საპროტესტო აქციებზე დაკავებულთა მხარდასაჭერად კიდევ ერთი კონცერტი გაიმართება

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი