გასულ კვირას ინტერნეტში ახალი ვიდეოთამაში ამოჩნდა, რომელიც კენდრიკ ლამარის ახალი ტრეკით არის შთაგონებული. Სიმღერით Not Like Us ლამარი დრეიკს უპირისპირდება, ამიტომაც დრეიკის ფანებმა გადაწყვიტეს, საპასუხო ვიდეო თამაში შეექმნათ. Family Matters – ასე ჰქვია თამაშს, რომელშიც მომხმარებელი კენდრიკ ლამარის ფიგურას გრემის ჯილდოს უმიზნებს. მოთამაშის მიზანია, რაც შეიძლება მეტი გრემის ჯილდო მოარტყას სამიზნეს. თამაშს ფონად დრეიკის ტრეკის, Family Matters-ის გარემიქსებული ვერსია გასდევს, რომელიც ჟღერადობით ვიდეო თამაშების მუსიკალური გაფორმების სტილშია გადაკეთებული.
ვიდეო თამაში სახელწოდებით Family Matters სოციალურ ქსელ X-ზე წარადგინეს. როგორც აღმოჩნდა, დრეიკის ფანებისთვის Family Matters-ის ვიდეო თამაში კარგი გასართობი აღმოჩნდა და ავტორმა იდეისათვის შექებაც დაიმსახურა.
რაც შეხება კენდრიკ ლამარის ტრეკს, Not Like Us, რომელიც 4 მაისს გამოვიდა, კვირას Billboard-ის Hot 100-ის მუსიკალურ ჩარტში დაბრუნდა. Family Matters კი დრეიკმა Not Like Us-ის გამოცემამდე რამდენიმე საათით ადრე გამოუშვა, რომლის ტექსტითაც კენდრიკ ლამარს დაუპირისპირდა.
Family Matters-ის თამაშის დასაწყებად ეწვიეთ ბმულს.
