ოლიმპიადის დახურვის ცერემონიაზე გამოსვლის შემდეგ Snoop Dogg-მა და Dr. Dre-იმ Complex-ის შოუში ისაუბრეს, სადაც Snoop Dogg-მა პოლ მაკარტნისთან შეხვედრა გაიხსენა.
რეპერმა აღნიშნა, რომ ჰოლივუდში კონცერტი გამართა, სადაც სტუმრად მაკარტნიც იმყოფებოდა. „ჰოლივუდში პატარა კონცერტი მქონდა, რომელსაც პოლ მაკარტნიც ესწრებოდა. მიუხედავად იმისა, რომ The Beatles-ის დიდი გულშემატკივარი ვიყავი, აქამდე პოლ მაკარტნის პირადად არ ვიცნობდი. როცა კულისებში ვიყავი, ვიღაც მოვიდა და მითხრა, რომ პოლ მაკარტნის ჩემთან შეხვედრა სურდა. ძალიან გამიხარდა და თან გაოცებული დავრჩი.” – ამბობს Snoop Dogg-ი.
„პოლ მაკარტნი შემოვიდა და გადამეხვია. მან იცის, ვინ ვარ და ეს ჩემთვის დასაფასებელია, ჩვენ ერთმანეთს ძალიან დიდ პატივს ვცემთ.” – აღნიშნა რეპერმა.
ინტერვიუს დროს Snoop Dogg-მა პოლ მაკარტნისთან თანამშრომლობის დიდი სურვილიც გამოთქვა. რეპერისა და პოლ მაკარტნის ერთობლივი ფოტო პირველად ჯიმი ბაფეტის ხსოვნისადმი მიძღვნილ კონცერტზე გამოჩნდა.
რაც შეეხება Dr. Dre-ის, მისი თქმით, მან ერთხელ უკვე ლეგენდარულ მუსიკოს სტივი უანდერთან თანამშრომლობის შანსი ხელიდან გაუშვა, თუმცა ახლა ის უკვე მზადაა მასთან კოლაბორაციისთვის. „ეს სიგიჟეა, რამდენჯერმე გადავიკვეთეთ მე და სიტვი უანდერი. მან დამირეკა კიდეც. ერთხელ რესტორანშიც შევხვდი. სტივი ჩემთვის გამორჩეულია, ის ჩემი გმირია და მე აუცილებლად ვითანამშრომლებ მასთან.”
მიუხედავად იმისა რომ Dr. Dre-ს სტივი უანდერთან სტუდიაში არ უმუშავია, Snoop Dogg-მა შეახსენა, რომ იგი Busta Rhymes-ის სიმღერა Through the Storm-ის თანაპროდიუსერი იყო, სადაც სტივი უანდერიც მღერის.
Snoop Dogg და Dr. Dre პირველი სრულმეტრაჟიანი ალბომის გამოსაცემად ემზადებიან. ახალი პროექტის სახელწოდებაა Missionary და მისი გამოცემა შობის დღესასწაულამდე იგეგმება.
ნახეთ Snoop Dogg-ისა და Dr. Dre-ს სრული ინტერვიუ:
