24 სექტემბერს, ბილბორდ საქართველოს კონცერტების სერიის ფარგლებში, Billboard Georgia Stage-ზე, ქართველი ჯაზ-შემსრულებლის, ბას-გიტარისტ ხატია ქორიძის სადებიუტო ალბომის, Forgot to Dream-ის პრეზენტაცია გაიმართა. ღონისძიებას „რესპუბლიკა ტერასამ” უმასპინძლა.
ხატია ქორიძემ ალბომ Forgot To Dream-ის ჩაწერის დროს არაერთ მუსიკოსთან ითანამშრომლა. ესენი არიან სოსო ცაგარეიშვილი (დრამი), ზუკა სიმონიშვილი (ბასი), ლუკა თოფურია (კლავიში), ბექა გოჩიაშვილი (კლავიში), ბიბიჩ კვაჭაძე (ვოკალი) და გიო კაპანაძე (დრამი).
სადებიუტო ალბომში Forgot To Dream მუსიკოსმა ვოკალის პარტია თავად შეასრულა. ეს არის ალბომი, სადაც ჯაზის, როკისა და კლასიკური მუსიკის სინთეზი იგრძნობა, რასაც ჰარმონიულად ერწყმის მუსიკოსის ვოკალი. ერთობლიობაში კომპოზიციები დახვეწილი, ჟღერადი და მელოდიურია.
მოისმინეთ ხატია ქორიძის ექვსი კომპოზიციისგან შემდგარი ალბომი Forgot To Dream
