16 თებერვალს გამართულ იუბილეზე, საბრინა კარპენტერმა და პოლ საიმონმა SNL-ის 50 წლის საიუბილეო საღამო ცნობილი სიმღერის Homeward Bound-ის დუეტით გახსნეს. სიმღერის ორიგინალი ვერსია დუეტმა Simon & Garfunkel-მა 1966 წელს ჩაწერა, რომელიც მათ ალბომ Parsley, Sage, Rosemary and Thyme-შია შესული. იმ პერიოდში სიმღერა Billboard Hot 100-ში მეხუთე ადგილზე პოზიციონირება.
Saturday Night Live-ის ერთ-ერთ ეპიზოდში ეს კომპოზიცია პოლ საიმონმა და ჯორჯ ჰარისონმა ერთად შეასრულეს.
„ქალბატონებო და ბატონებო, ეს საბრინაა,“ – ასე წარადგინა პოლ საიმონმა SNL50-ის საღამოზე, Studio 8H-ის აუდიტორიის წინაშე კარპენტერი.
„ეს კი თავად პოლ საიმონია – ერთადერთი და განუმეორებელი,“ – თქვა საბრინამ.
პოლ საიმონმა აღნიშნა, რომ პირველად Saturday Night Live-ზე ეს სიმღერა ჯორჯ ჰარისონთან ერთად 1976 წელს შეასრულა, რა დროსაც საბრინამ იხუმრა, რომ მაშინ დაბადებულიც კი არ იყო.
SNL-ის 50 წლის იუბილესადმი მიძღვნილი სამსაათიანი სპეციალური პროგრამა, სადაც შოუს ადრინდელი და ახლანდელი წევრები, ცნობილი წამყვანები და სტუმრები მონაწილეობდნენ, NBC-სა და Peacock-ზე პირდაპირ ეთერში გადაიცემოდა.
SNL50-ის საიუბილეო საღამოს წინ უძღოდა კონცერტი Radio City Music Hall-ში, რომელსაც ჯიმი ფელონი უძღვებოდა. ღონისძიებაში კი მონაწილეობას იღებდნენ შერი, Lady Gaga, Bad Bunny, მაილი საირუსი, Robyn, Ms. ლოურენ ჰილი, Jack White, Backstreet Boys, ჯელი როლი, ბონი რაიტი და სხვები. ხოლო აკომპანიმენტს ბექ-ბენდად Questlove და The Roots უწევდნენ.
იხილეთ SNL-ის Instagram-ზე გამოქვეყნებული Simon & Carpenter-ის ქავერი სიმღერისთვის Homeward Bound.
