28 მარტს Republic-ის მუსიკალური სცენა მსოფლიო მასშტაბით ცნობილ ჯგუფს, SNAP!-ს უმასპინძლებს. ეს პირველი შემთხვევაა, როცა ჯგუფი ქართველი მსმენელის წინაშე წარდგება.
ღონისძიება კულტურის ცენტრის ორგანიზებით, პროექტ Billboard Georgia Stage-ის ფარგლებში იმართება. პროექტ Billboard Georgia Stage-ის მხარდამჭერია კომპანია Silknet.
SNAP! გერმანული მუსიკალური პროექტია, რომელიც განსაკუთრებით ცნობილია 1990-იან წლებში გამოშვებული ჰიტებით. ჯგუფმა მსოფლიო აღიარება მოიპოვა ისეთი ჰიტებით, როგორიცაა The Power და Rhythm Is a Dancer. ტრეკებმა საერთაშორისო ჩარტების ლიდერი პოზიციები მოიპოვეს და საცეკვაო მუსიკალურ სცენაზე განსაკუთრებული ადგილი დაიმკვიდრეს. The Power გლობალური ჰიტი გახდა და აშშ-ის ბილბორდის ჩარტებში პირველი ადგილი დაიკავა, ხოლო Rhythm Is a Dancer ბრიტანეთის ჩარტებში რამდენიმე კვირის განმავლობაში ლიდერობდა. SNAP! ამ დრომდე აქტიურია და მათი მუსიკა კვლავ პოპულარულია. ჯგუფის მელოდიებს და ვოკალს დღემდე ვხვდებით ელექტრონულ სცენაზე. ჯგუფის ნამუშევრები აქტიურად გამოიყენება ფილმებში, რეკლამებსა და DJ სეტებში.
ბილეთების შესაძენად ეწვიეთ ბმულს.
