ჯიმი კიმელმა People-თან ინტერვიუში იმ ა-კლასის ვარსკვლავის ვინაობა გაამხილა, რომლის მოწვევაც ყველაზე მეტად სურს საკუთარ შოუში. ეს ადამიანი კი პოპის დედოფალი მადონაა. „ვერ ვიტყოდი, რომ სასოწარკვეთილი ვარ ვინმეს მოწვევაზე, მაგრამ ჩვენ არასდროს გვყოლია შოუში მადონა და სწორედ მის სტუმრობას ვისურვებდი,” – აღნიშნა კიმელმა.
მიუხედავად იმისა, რომ პოპის დედოფალი ამ დრომდე არ მისულა კიმელის შოუში, ახლა შესაძლოა კარგი შესაძლებლობა იყოს ჰორიზონტზე იმის გათვალისწინებით, რომ მადონა მალე ახალ მუსიკას გამოსცემს. მომღერალმა რამდენიმე კვირის წინ ინსტაგრამზე დაწერა: „ჩემი ვალენტინობის დღის საჩუქარი ის ინფორმაციაა, რომ მთელ გულსა და სულს ვდებ ახალ მუსიკაში.” მან ასევე აღნიშნა, რომ მისი მომავალი ალბომი გაგრძელება იქნება 2005 წლის ალბომისა Confessions on a Dance Floor, რომელიც Billboard 200-ის ლიდერი იყო.
თუმცა, მიუხედავად იმისა, რომ შესაძლოა პოპის დედოფლის შოუში სტუმრობა მაინც რთული მისია აღმოჩნდეს, ის ბევრად მარტივი იქნება წამყვანის მეორე საოცნებო სტუმრის, ბენკსის მოწვევასთან შედარებით.
იმის გამო, რომ ბენკსის ვინაობა დღემდე ანონიმურია, კიმელმა აღნიშნა, რომ იდუმალებით მოცული არტისტის მიღმა შესაძლოა მისი რომელიმე ცნობილი სტუმარიც კი იმალებოდეს. „იქნებ ბენკსი ჯეისონ ალექსანდერია,” – იხუმრა ტელეწამყვანმა. „მაგრამ იცით, რა? მე მინახავს მისი ნახატი. ის ნამდვილად არაა ბენკსი.”
