პირველი საპრეზიდენტო ვადიდან მოყოლებული კანიე უესტი დონალდ ტრამპის ერთგული მხარდამჭერია. ახლახან კი რეპერმა გაამხილა, რომ 2016 წლის არჩევნებამდე ფრენკ ოუშენი ცდილობდა, მისთვის აწ უკვე ორი იმპიჩმენტის მქონე პრეზიდენტის მხარდაჭერა გადაეფიქრებინა.
„ფრენკ ოუშენი ჩემს სახლში მოვიდა, მთელი დღე მელაპარაკებოდა ტრამპსა და იმაზე, რომ მისთვის მხარი არ უნდა დამეჭირა. პოლიტიკის არაფერი გაგეგება, მე კი შენი უფროსი ვარ, თქვენ ყველა ჩემთან ერთად დადიოდით ტურნეში.”
„არც ერთ თქვენგანს არ შეუძლია, პოლიტიკაზე მესაუბროს. რას ფიქრობთ? ერთი წიგნი წაიკითხეთ და ახლა შეგიძლიათ რაღაც სისულელეები მითხრათ? მათგან არც ერთი არ არის ასეთი ნიჭიერი. მე ვარ ყველა დროის ყველაზე დიდი არტისტი. შესაძლოა, ისინი ოდნავ უკეთესები იყვნენ ერთი კონკრეტული მიმართულებით, რადგან მხოლოდ იმ ერთ რაღაცას აკეთებენ.”
Frank Ocean came over to Kanye’s house in 2016 to tell him to not vote for Trump pic.twitter.com/0MvSlHwal0
— Jasper (@Jasp3r_0) April 8, 2025
უესტი, რომელიც განუწყვეტელი კრიტიკის ქვეშაა მის მიერ გავრცელებული სიძულვილის ენის გამო, არასდროს მორიდებია ტრამპის მიმართ მხარდაჭერის გამოხატვას. რეპერი მხარს უჭერდა უცხადებდა ამჟამინდელ პრეზიდენტს 2016 წლის Saint Pablo-ს ტურნეს დროს. ამავე წლის დეკემბერში კი მას ფოტოს გადასაღებად შეხვდა.
2018 წელს კანიე თეთრ სახლში მივიდა ქუდით – Make America Great Again. ის პრეზიდენტს ოვალურ კაბინეტში შეხვდა და ღიად ისაუბრა, თუ როგორ აფასებდა მას. რეპერი აღნიშნულ ქუდს მთელი წლის განმავლობაში ატარებდა, მათ შორის ეხურა Saturday Night Live-ში გამოსვლის დროსაც. 2020 წელს უესტი ტრამპს დაუპირისპირდა, არჩევნებში საკუთარი კანდიდატურის დაყენების გამო, თუმცა მალევე დაუბრუნდა მის მხარდამჭერთა რიგებს.
იმ პერიოდში, როცა კანიე ოუშენთან საუბარს აღწერს, მუსიკოსები ერთმანეთთან თანამშრომლობდნენ. ოუშენი მონაწილეობს Frank’s Track-ში უესტის ალბომიდან The Life of Pablo, ხოლო უესტს კამეო ჰქონდა ოუშენის White Ferrari-ში. ოუშენს მას შემდეგ ახალი პროექტი აღარ გამოუცია.
მარტში კი კანიემ ახალ ინტერვიუში განაცხადა, რომ მისი სიმღერა Moon, 2021 წლის ალბომიდან Donda, ფრენკ ოუშენის კარიერის დასასრული იყო.
„როცა Moon გამოვეცი, ამან ფრენკ ოუშენის კარიერა დაასრულა. მას ამის შემდეგ სიმღერა აღარ გამოუშვია. ვთქვი კიდეც, რომ ის ახალ ალბომს ვეღარასდროს გამოსცემდა. ნებისმიერი მუსიკალური ჟანრი, რომელსაც სხვა აკეთებს, მე შემიძლია მასზე უკეთ გავაკეთო. მე ათჯერ ძლიერი ვარ მუსიკაში, ვიდრე ნებისმიერი სულიერი.”
