8 აპრილს Metallica-მ გულშემატკივრებზე ორიენტირებული დოკუმენტური ფილმის პირველი ტრეილერი გამოაქვეყნა. ფილმ Metallica Saved My Life-ის რეჟისორი ბენდის დიდი ხნის მეგობარი და გრემის გამარჯვებული იონას აკერულნდია. დოკუმენტური ფილმის ჩვენება კი Metallica-ს მიმდინარე ტურნეს, M72-ის ფარგლებში იქნება შესაძლებელი.
ჯგუფმა ამასთან დაკავშირებით განცხადება გაავრცელა: „ჯერ ბოლომდე მზად არ ვართ, მაგრამ გვსურს, თქვენ იყოთ პირველი, ვინც ჩვენს უახლოეს პროექტს იხილავს. ამ ფილმის რეჟისორი გრემის გამარჯვებული იონას აკერულნდია, რომელიც ჩვენს სამყაროს გულშემატკივრების მეშვეობით იკვლევს. გულშემატკივრების, რომლებმაც ოთხი ათწლეულის განმავლობაში ერთმანეთს თანადგომა, განცდები, ემოციები თუ წარმატებები გაუზიარეს.”
ერთ წუთიან ტრეილერში ბენდის დრამერი ლარს ულრიხი ამბობს: „Metallica არის მდგომარეობა.” – ვიდეოში ჯგუფის სხვა წევრებიც იმეორებენ: „Metallica არის…“ – ფრაზას კი გულშემატკივრები ასრულებენ.
Metallica M72 ტურნეს ფარგლებში მომდევნო კონცერტს 19 აპრილს ნიუ იორკში გამართავს. რამდენიმე დღის წინ კი ბენდმა სისხლის დონაციისთვის წითელი ჯვრის ორგანიზაციასთან თანამშრომლობა დაიწყო. ისინი სისხლის ყველა ჯგუფის დონორს დონაციაში მონაწილეობისკენ მოუწოდებენ.
ნახეთ Metallica-ს დოკუმენტური ფილმის ტრეილერი Metallica Saved My Life:
