შაკილ ო’ნილმა სარეკლამო ჭრამდე მოთმენა ვერ შეძლო და NBA-ს ლაივის დროს პირდაპირ ეთერში საპირფარეშოში გაიქცა.
როცა თანაწამყვანები ჩარლზ ბარკლი და კენი სმითი ლოს-ანჯელეს კლიპერსისა და დენვერ ნაგეტსის გასაოცარ თამაშს იხსენებდნენ, მოულოდნელად შაკი (ასევე ცნობილი, როგორც DJ Diesel) ადგა და სწრაფად გაემართა სტუდიის გასასვლელისკენ.
„კარგად ხარ? – ჰკითხა სმითმა. „სპაზმი გაქვს? ეს იმ ზეითუნის ზეთის ბრალია, რომ სვამ. ვერ მოითმინა. 40 წლის შემდეგ უკვე ვეღარ ითმენ.”
კალათბურთის ლეგენდამ წამყვანებს შოუს გაგრძელებისკენ მოუწოდა. ერნი ჯონსონმა კი თქვა: „არ მომეწონა, როგორც გაიარა. ეს არ იყო ჩვეულებრივი სიარული.” შემდეგ კი სმითმა განაგრძო: „ზეითუნის ზეთს სვამს, რომ ნაწლავები გაისუფთაოს. ძალიან კარგად ისუფთავებს.”
რამდენიმე წუთში ო’ნილი სტუდიაში დაბრუნდა და ინციდენტი ბევრი წყლის დალევასა და ბარკლის ხანგრძლივ საუბარს დააბრალა. „მალე უნდა დაასრულო სათქმელი, რომ შესვენებაზე გავიდეთ. ვზივარ და ვფიქრობ: მოკეტე და სწრაფად მორჩი,” – მიმართა თანაწამყვანს.
მომავალი სეზონიდან შაკი, ჩაკი, ერნი და კენი ABC/ESPN-ის ოჯახს შეუერთდებიან. ხოლო რაც შეეხება მუსიკალურ მხარეს, DJ Diesel შემდეგ კონცერტს 25 აპრილს დალასში გამართავს. მსმენელი კი იმედს იტოვებს, რომ ამჯერად შაკი საპირფარეშოს კონცერტის დაწყებამდე გამოიყენებს.
ნახეთ ვიდეო:
