25 აპრილს მომღერალმა და სიმღერების ავტორმა Nini Iris-მა დაპირებული სინგლი Release Me გამოუშვა. ეს სწორედ ის სიმღერაა, რომელიც არტისტმა საზოგადოებრივ მაუწყებელს ევროვიზიის კონკურსისთვის გაუგზავნა.
„Release Me უკვე გამოსულია! ძალიან დიდი დრო გავიდა და მართლა ვერ გადმოვცემ, რამდენად მადლობელი და გახარებული ვარ. უდიდესი მადლობა ყველა ადამიანს, ვინც ამ პროექტში გული და სული ჩადო”. – წერს მომღერალი სოციალურ ქსელში.
სინგლის შემსრულებელი და კომპოზიტორიც Nini Iris-ია, პროდიუსერი – ჯეისონ მეიტერი, მიქსინგი მაიკლ პრეტის, მასტერინგი კი ჯონათან ბერლინს ეკუთვნის. სინგლის გარეკანის ფოტო VazhaK-ის მიერ არის გადაღებული, სტაილინგი კი Nika Rokva-ს შექმნილია.
Nini Iris-ის ინსტაგრამ პოსტში ერთ-ერთ ბანერზე სინგლის განმარტებას ვხვდებით, სადაც არტისტი აღნიშნავს, რომ ეს სიმღერა გულგატეხილობისა და საკუთარი იდენტობისთვის ბრძოლის შესახებ არის.
“Release Me – ეს არის წერილი – გულგატეხილობაზე და საკუთარი იდენტობისთვის ბრძოლაზე. იმაზე, თუ როგორ შეიძლება ვიღაცამ ღრმა კვალი დატოვოს შენს თვითშეგრძნებაზე.
თუმცა Release Me მხოლოდ წუხილი არ არის – ეს არის ძალაუფლების ჰიმნი, პირობა საკუთარ თავთან, რომ განიკურნო, გზა გააგრძელო და აღიარო საკუთარი ძალა და დამოუკიდებლობა. ეს სიმღერა მათთვისაა, ვისაც გულისტკენა და განშორება გამოუცდია. იმედია, ეს სინგლი დაგეხმარებათ განკურნებაში, ისე, როგორც მე დამეხმარა.” – წერს მომღერალი.
მოისმინეთ Nini Iris-ის ახალი სინგლი Realise Me
