რიანას ფანები დიდი ხანია, მისგან სიახლეს ელიან. ახლახან ცნობილი გახდა, რომ ვარსკვლავი სულ მალე სიმღერას გამოუშვებს, რომელიც Smurfs-ის ახალი ანიმაციური ფილმის საუნდტრეკია.
14 მაისს ფილმის ახალი ტრეილერი გავრცელდა. პარალელურად, ცნობილი გახდა, რომ რიანას ახალი სიმღერა Friend of Mine 16 მაისს გამოვა. Smurfs-ის თიზერში უკვე ისმის კომპოზიციის ფრაგმენტები.
ანიმაციაში რიანა სმურფეტის პერსონაჟს ახმოვანებს. მასთან ერთად მონაწილეობენ ჯონ გუდმენი, ჯეიმს კორდენი, ნიკ ოფერმანი, სანდრა ო და სხვები. Smurfs-ის ახალი ფილმი კინოთეატრებში 18 ივლისიდან გავა. რიანას ახალ სიმღერასთან ერთად საუნდტრეკებს შორის ასევე მოხვდება Tyla-ს ტრეკი Higher Love, რომელიც DJ Khaled-ის, Cardi B-სა და DESI TRILL-ის კოლაბორაციაა. სიმღერა 2025 წლის თებერვალში გამოვიდა.
ახალი თიზერი იხსნება სცენით, სადაც რიანა სტუდიაში ცეკვავს და სმარფეტას ფრაზებს წერს. შემდეგ კი ნაჩვენებია კადრები ანიმაციის ახალი ნაწილიდან. რიანამ ფილმის ერთ-ერთი აღმასრულებელი პროდიუსერის როლიც მოირგო. პროექტის შესახებ პირველად 2023 წელს, CinemaCon-ის ფარგლებში განაცხადეს. იმ დროს რიანა მეორე შვილზე — Riot Rose-ზე იყო ორსულად. “საოცარია, რომ შემიძლია ჩემი საღამურით მოვიდე გადაღებაზე მესამე ტრიმესტრში… იმედი მაქვს, ამას ოდესღაც დამიფასებენ ჩემი შვილები,” — იხუმრა ვარსკვლავმა წარსულში.
Friend of Mine რიანას პირველი სინგლი იქნება 2022 წლის Lift Me Up-ის შემდეგ, რომელიც Black Panther: Wakanda Forever-ის საუნდტრეკია. ბოლო ალბომი მან ცხრა წლის წინ გამოუშვა — სწორედ 2016 წელს გამოვიდა Anti, რომელიც Billboard 200-ის ჩარტში ორი კვირა ლიდერობდა.
Smurfs-ის ახალი ტრეილერი გამოქვეყნდა ერთი კვირის შემდეგ, რაც რიანა Met Gala-ს A$AP Rocky-სთან ერთად დაესწრო. ღონისძიებაზე პოპვარსკვლავი გაზრდილი მუცლით გამოჩნდა და დაადასტურა, რომ მესამე ბავშვს ელოდება.
მუსიკოსი ამბობს, რომ ორსულობა ხელს არ შეუშლის Anti-ს გაგრძელებაზე მუშაობაში. „არა!” — განუცხადა მან Entertainment Tonight-ს 5 მაისს, Met Gala-ს მსვლელობისას, როცა ჰკითხეს, გადადებდა თუ არა ახალ პროექტს. „შეიძლება, რამდენიმე ვიდეოც გამოვუშვა! ჯერ კიდევ შემიძლია სიმღერა!“ — თქვა ვარსკვლავმა.
იხილეთ Smurfs-ის ახალი ტრეილერი და მოუსმინეთ რიანას სიმღერის Friend of Mine-ის ფრაგმენტებს:
