სელენა გომესი და ბენი ბლანკო ახალ მოკლემეტრაჟიან ფილმში ერთობლივი ალბომის სახელწოდებას განმარტავენ

სელენა გომესმა და ბენი ბლანკომ ახალი ალბომის სახელწოდების – I Said I Love You First – შესახებ ისაუბრეს და განმარტეს, რატომ გადაწყვიტეს, რომ ეს სახელი ნამუშევრისათვის შესაფერისი იყო. წყვილმა ამ თემაზე ახალ მოკლემეტრაჟიან ფილმში ისაუბრა, რომელიც 15 მაისს გამოქვეყნდა.

„უბრალოდ ვცდილობდით, გაგვეგო, საერთოდ რა დაგვერქმია ამ ყველაფრისთვის. ეს საკმაოდ საფრთხილო რამ არის, იმიტომ რომ ფიქრობ, ამდენი ხანი ვმუშაობდით! ახლა როგორ შევარჩიოთ რამე შესაფერისი სახელი?” – იხსენებს ბლანკო. სელენა გომესის თქმით,  საბოლოოდ, არჩევანი  მარტივად გააკეთეს. „I Said I Love You First უბრალოდ ფაქტია. ტექნიკურად, ალბათ შენ თქვი ეს პირველმა, უბრალოდ, მე დაგასწარი!” – ამბობს გომესი. 

12-წუთიან ფილმში, რომელიც Vevo Extended Play-სთვისაა შექმნილი,  წყვილმა ალბომის რამდენიმე სიმღერაც შეასრულა, მათ შორის არის სინგლები: Sunset Blvd, How Does It Feel to Be Forgotten და Scared of Loving You.

ისინი კიდევ ბევრ დეტალს ამხელენ ერთობლივი პროექტის შესახებ – როგორ შთააგონა Sunset Blvd მათი პირველი პაემნის ადგილმა, ან რატომ არის Scared of Loving You ის სიმღერა, რომელიც გომესისთვის ყველაზე „მარტივი“ შესასრულებელია.

ბლანკომ ახსნა, თუ როგორ გარდაიქმნა მათი რომანტიკული კავშირი მუსიკალურ ქიმიად სტუდიაში, როდესაც ალბომზე მუშაობდნენ: „ჩვენთვის ერთობლივი პროექტის შექმნა ასეთი მარტივი იმიტომ არის, რომ ერთი და იგივე ენა ვიცით – მუსიკაშიც და პირად ურთიერთობაშიც. ჩვენ ყოველთვის ვუსმენთ ერთმანეთს, როცა რომელიმეს იდეა აქვს – და ჩემთვის ეს ეხება როგორც პირად, ისე საქმიან ურთიერთობას,” – აღნიშნა ბენი ბლანკომ. 

I Said I Love You First 25 მარტს გამოვიდა და Billboard 200-ის ჩარტში მეორე ადგილი დაიკავა. მას შემდეგ გომესმა და ბლანკომ ალბომის დელუქს ვერსია – I Said I Love You First… And You Said It Back – გამოუშვეს, რომელიც მოიცავს დამატებით კოლაბორაციებს GloRilla-სთან, DJ Sliink-თან, Cigarettes After Sex-თან და სხვა ბონუს-ტრეკებს.

იხილეთ სელენა გომესისა და ბენი ბლანკოს მოკლემეტრაჟიანი ფილმი I Said I Love You First: