კონკურსის წესების მიხედვით, ნახევარფინალიდან ფინალში გადასვლას მხოლოდ მაყურებელი წყვეტს, მარიამ შენგელიას მიერ შესრულებულმა სიმღერამ კი მაყურებელთა ხმების საკმარისი რაოდენობა ვერ დააგროვა და ფინალურ ეტაპზე გადასვლა ვერ შეძლო.
საქართველოს წარმომადგენელი შიდა შერჩევის გზით საზოგადოებრივმა მაუწყებელმა გამოავლინა. სიმღერა Freedom ქეთი გაბისიანმა დაწერა, ხოლო ტექსტი ბუკა კარტოზიას ეკუთვნის.
მაყურებლის გადაწყვეტილებით, მეორე ნახევარფინალში 10 ქვეყანა გადავიდა: ლიეტუვა, ისრაელი, სომხეთი, დანია, ავსტრია, ლუქსემბურგი, ფინეთი, ლატვია, მალტა და საბერძნეთი.
ევროვიზიის 2025 წლის საფინალო შოუ კი 17 მაისს ბაზელში გაიმართება, სადაც 26 ქვეყანა – პირველი და მეორე ნახევარფინალის კონკურსანტები, დიდი ხუთეულის ქვეყნები, (საფრანგეთი, გერმანია, იტალია, ესპანეთი, გაერთიანებული სამეფო) და მასპინძელი ქვეყანა – შვეიცარია იასპარეზებენ.
შეგახსენებთ, რომ საბავშვო ევროვიზიის 2025 წლის კონკურსი საქართველოში ჩატარდება. ღონისძიების მასპინძელი თბილისი მას შემდეგ გახდა, რაც გასულ წელს, საბავშვო ევროვიზიის გამარჯვებული ანდრია ფუტკარაძე გახდა სიმღერით To My Mom. ეს კი საბავშვო ევროვიზიაში საქართველოს მეოთხე გამარჯვებაა.
