2 ივნისს, თბილისის საბავშვო და ახალგაზრდული თეატრების საერთაშორისო ფესტივალის ფარგლებში, რუსთაველის ეროვნული თეატრის ექსპერიმენტულ სცენაზე გაიმართება საბერძნეთის გამორჩეული თოჯინური დასის – „კენტრო ვაროუსის თოჯინების თეატრის” სპექტაკლი – „ეფემერა“.
„ეფემერა“ მხოლოდ შთამბეჭდავი ვიზუალური წარმოდგენა არ არის. ეს სენსიტიური და პოეტური მოგზაურობაა ჯადოსნურ თეატრალურ სამყაროში, სადაც თოჯინები გაცოცხლდებიან და მაყურებლის მეხსიერებაში სამუდამოდ დარჩებიან.
წარმოდგენა განსაკუთრებულ ინტერესს იწვევს არა მხოლოდ თავისი სტილისტიკით, არამედ ავტორებითაც – თოჯინების შემქმნელები წლების განმავლობაში თანამშრომლობდნენ საბერძნეთის წამყვან რეჟისორებთან, მათ შორის ლეგენდარულ დიმიტრის პაპაიოანუსთან (Dimitris Papaioannou), რომლის სახელი თეატრის მოყვარულებისთვის უკვე დიდი ხანია, ცნობილია.
სწორედ პაპაიოანუს რეჟისორობით დაიდგა 2004 წლის ათენის ოლიმპიადის გახსნის ცერემონია – წარმოდგენა, რომელიც დღემდე ითვლება თანამედროვე სცენოგრაფიისა და ქორეოგრაფიის ერთ-ერთ უდიდეს მიღწევად.
„ეფემერა“ განკუთვნილია 14+ ასაკის მაყურებლისთვის.
დამატებითი ინფორმაცია სპექტაკლის შესახებ იხილეთ ბმულზე.
