ცხოვრების უმეტეს ასპექტში დელუზიურობა კარგ თვისებად არ მიიჩნევა. თუმცა Tyler, the Creator-ს სწამს, რომ არტისტისა და შემოქმედისთვის ეს აუცილებელი რამაა.
„რაღაც რომ შექმნა, დელუზიური უნდა იყო,” – აღნიშნა მან Tyler Talk-ში საუბრისას ლონდონში. „და როცა დელუზიური ხარ, გარშემო ისეთი ადამიანები გჭირდება, რომლებიც გენდობიან. მე დელუზიური ვარ, მაგრამ ხუთი წლის ასაკიდან ვიცოდი, რისი კეთება მინდოდა.”
ტაილერმა გაიხსენა შემთხვევა, როცა ჰკითხეს, თუ რა პროფესიას აირჩევდა, მუსიკას რომ არ გაჰყოლოდა. რეპერმა კი აღნიშნა, რომ მისთვის სხვა ვერსია არასდროს არსებობდა.
ჩემი წარმოსახვა ასე შორს არასდროს წასულა, რადგან ეს იყო ერთადერთი რამ, რისი გაკეთებაც მსურდა. 12 წლის დელუზიური ბიჭი ვიყავი, რომელიც ამბობდა: „მე გრემის მოვიგებ”. სხვა ბავშვები კი მპასუხობდნენ: „მოკეტე, ჩარზარდმა პიკაჩუ დაამარცხა.” ასე რომ, იყავით დელუზიურები.”
ცოტა ხნის წინ ტაილერისა და „კონვერსის” თანამშრომლობა შედგა, რომლის შედეგადაც „კონვერსი” ახალ სპორტულ ფეხსაცმელს, 1980 Program-ს გამოუშვებს. მისი შეძენა მთელი მსოფლიოს მასშტაბით 20 ივნისიდან იქნება შესაძლებელი.
ამჟამად მუსიკოსი 2025 წლის მსოფლიო ტურნეში იმყოფება, რომელიც მის ახალ ალბომს, Chromakopia-ს ეძღვნება.
უყურეთ Tyler Talk-ის სრულ ეპიზოდს:
