პოპვარსკვლავმა რიანამ 30 მაისს სოციალურ მედიაში გააზიარა ფოტოები Savage X Fenty-ს უახლესი კამპანიიდან და გაამხილა, რა კრეატიული გზებით მალავდა ორსულობას გადაღებების დროს.
რიანას თქმით, მთელი ფოტოსესიის განმავლობაში სხვადასხვა პოზით ცდილობდა, მუცელი დაემალა.
ერთ-ერთ კადრში ის მუცლით ეყრდნობა ცისფერ კედელს, ზოგიერთ ფოტოში კი კამერასთან ზურგით დგას. თუმცა ვარსკვლავმა სრულად ვერ აარიდა თავი კამერის წინ დადგომას, ამიტომ ზოგიერთი ფოტო ისეთი პოზით აქვს გადაღებული, რომ მუცელი დაფარული აქვს.
მომღერალმა პოსტი თავისი თეთრეულის ხაზის რეკლამირებისთვისაც გამოიყენა და გამომწერებს აუწყა, რომ Savage X Fenty-ს ახალი კოლექცია უკვე ხელმისაწვდომია.
რიანას გულშემატკივრებმა პოსტის კომენტარების ველში ერთხმად აღნიშნეს, რომ ვარსკვლავი როგორც ყოველთვის, იდეალურ ფორმაშია.
ერთი თვით ადრე, რიანამ მესამე ორსულობა ოფიციალურად დაადასტურა, როცა 2025 წლის Met Gala-ს ხალიჩაზე მარკ ჯეიკობსის სპეციალურად შეკერილი სამოსით გამოჩნდა. ვარსკვლავმა მუცელი პირველად საჯაროდ გამოაჩინა.
იხილეთ რიანას ფოტოსესია.
