მაისი დასასრულს მიუახლოვდა. თვის ბოლო კვირა კი საკმაოდ დატვირთული აღმოჩნდა ახალი რელიზებით.
კვირის მთავარი გმირი მაილი საირუსია, რომელმაც პარასკევს ახალი ალბომი გამოსცა, სახელწოდებით Something Beautiful. მასში შედის სინგლები End of the World და More to Lose. ეს პირველი ალბომია საირუსის 2023 წლის Endless Summer Vacation-ის შემდეგ, რომელშიც შედის გრემის მფლობელი და Hot 100-ის ლიდერი ჰიტი Flowers. ლოს-ანჯელესში გამართულ პრეზენტაციაზე საირუსმა ფანებს გაუმხილა, რომ Something Beautiful მხოლოდ დასაწყისია და მომავალი ალბომიც დააანონსა. „ჩემი შემდეგი ალბომი ექსტრემალურად ექსპერიმენტული იქნება, ასე რომ, იხალისეთ.”
ამ კვირას ახალი მუსიკა გამოსცა ასევე პოპის კიდევ ორმა წამყვანმა ძალამ – ლორდმა და ტეიტ მაკრეიმ. ლორდის ახალი სინგლი Man of the Year ახალზელანდიელი არტისტის ყველაზე ნამდვილ სახეს წარმოაჩენს, რადგან ის საკუთარი ამორფული გენდერული იდენტობის აღმოჩენის პროცესშია. რაც შეეხება მაკრეის, მან გამოსცა Just Keep Watching, რომელიც ფილმ F1-ის საუნდტრეკისთვის შეიქმნა. მანამდე კი, კვირის დასაწყისში, მორგან უოლენთან ერთად ჩაწერილი დუეტით What I Want მაკრეი პირველად მოხვდა Billboard Hot 100-ის სათავეში.
თუმცა Clipse-ისა და ავა მაქსის ახალ სინგლებთან და ლეონ თომასის, Mt. Joy-სა და Yeule-ის ალბომებთან ერთად, ზემოჩამოთვლილი მხოლოდ მცირე ნაწილია იმ მუსიკისა, რაც ამ კვირას გამოვიდა.
