50 Cent ცდილობს, Diddy-ს მიმართ თავის დამოკიდებულებაზე ხმა ტრამპს მიაწვდინოს მას შემდეგ, რაც პრეზიდენტმა თქვა, რომ სექსტრეფიკინგის ბრალდებით დაკავებული რეპერის პოტენციური შეწყალების განხილვისას ის ფაქტებს დაეყრდნობა.
„Diddy-ს ძალიან ცუდი რაღაცები აქვს ნალაპარაკები ტრამპზე. ეს არ არის ნორმალური. აუცილებლად მივაღწევ ტრამპამდე, რათა გაიგოს, თუ რას ვფიქრობ ამ ადამიანზე,” – დაწერა 50 Cent-მა ინსტაგრამის უკვე წაშლილ პოსტში. „დონალდი უპატივცემულობას არ მიიღებს. ის არასდროს ივიწყებს, თუ ვინ აირჩია მის წინააღმდეგ დგომა. დაუღალავად შრომისას, რომ ამერიკა ისევ დიდებული გახდეს, ყურადღების სხვა რაღაცებზე გადატანის დრო არ არის. მან უნდა განიხილოს შეწყალება ნებისმიერი ადამიანის მიმართ, ვისაც უსამართლოდ მოექცნენ და არა პაფ დედის მიმართ.”
მას შემდეგ, რაც რეპერის სტატუსი გამოცემების მთავარ თემად იქცა, 50 Cent-მა თავისი ნათქვამი კიდევ ერთხელ ახსნა: „მე არ მითქვამს, რომ რაიმეს ჩავშლი, მე უბრალოდ ვთქვი, რომ ყველაფერს გავაკეთებ, რათა დავრწმუნდე, რომ ტრამპმა ეს ყველაფერი იცის.”
პარასკევს ტრამპს Diddy-ს პოტენციურ შეწყალებაზე ჰკითხეს. პრეზიდენტმა აღნიშნა, რომ ის და რეპერი მეგობრობდნენ, თუმცა ეს ურთიერთობა მას შემდეგ შეიცვალა, რაც ტრამპი პოლიტიკაში წავიდა.
„წლებია, მასთან არ მისაუბრია,” – თქვა ტრამპმა. „მას მე ძალიან მოვწონდი. ვფიქრობ, როცა პოლიტიკაში წავედი, ჩვენი ურთიერთობა მაშინ გაფუჭდა. ფაქტებს უნდა შევხედო. თუ ვიფიქრებ, რომ ადამიანის მიმართ უსამართლობაა, მოვწონვარ მას თუ არა, ამას ჩემზე გავლენა არ ექნება.”
