კანიე უესტი ნანობს, რაც თავის მენტორსა და ყოფილ შემოქმედებით პარტნიორზე, Jay-Z-ზე უთქვამს. გასულ შაბათ-კვირას უესტმა X-ის პლატფორმაზე დაწერა, რომ ხშირად ესიზმრება მასთან შერიგება. „ბოლო დროს ყველა სიზმარში ბოდიშს ვუხდი Jay-Z-ს,“ – წერს ის.
აპრილში, თავის ერთ-ერთ პოსტში, Ye-მ განაცხადა, რომ ბოდიში ჰქონდა მოსახდელი წარსულ შეცდომებზე. უესტი გულისხმობდა 2025 წლის მარტში X-ზე გამოქვეყნებულ პოსტს, რომელშიც ირიბად მიანიშნა, რომ ჯეი-Z-სა და ბიონსეს პატარა ტყუპებს, რუმისა და სერ კარტერს, შესაძლოა, გონებრივი ჩამორჩენა ჰქონდეთ. „ბოდიში, ჯეი-Z,“ – წერდა Ye. „ცუდად ვგრძნობ თავს იმ ტვიტის გამო, მაგრამ მაინც მგონია, რომ მთელი ცხოვრება ამ ინდუსტრიას შევალიე. მეგონა, რომ ბევრს საკუთარი ოჯახის წევრივით ვუყვარდი, მაგრამ როცა ოჯახი მართლა დამჭირდა – ამ რეპერებიდან არცერთს არ მოვუკითხივარ.“
აპრილში კანიემ გაამხილა, რომ მათი ურთიერთობის გაფუჭება ნაწილობრივ უკავშირდებოდა Jay-Z-ს ფრაზას სიმღერაში Jail, რომელიც შესულია Ye-ს 2021 წლის ალბომში – Donda. სწორედ იქ გამოჩნდა უთანხმოება MAGA-ს (Make America Great Again) წითელ ქუდთან დაკავშირებით. სწორედ დონალდ ტრამპის საარჩევნო გზავნილით გაფორმებული ქუდით გამოჩნდა უესტი არაერთხელ საჯაროდ, რასაც სკანდალი მოჰყვა.
Ye ივნისის დასაწყისში კვლავ აღმოჩნდა სოციალური მედიის ყურადღების ცენტრში, როცა კიდევ ერთმა ყოფილმა კოლაბორატორმა, Pusha T-მ მათ ამჟამინდელ ურთიერთობაზე ისაუბრა – ურთიერთობაზე, რომელზეც თავად უესტი ამბობს, რომ აღდგენა სურს.
