Rrari dal Tacco 1999 წელს დაიბადა და ბარის მახლობლად გაიზარდა. 2025 წლის მარტში გამოსცა თავისი სადებიუტო ალბომი – Non Sono Gesù. მისი მუსიკა სუფთა და დაუმუშავებელია – მკვეთრი ტექსტებით და უკომპრომისო ავთენტურობით.
მას ჩვეულებრივი ბიჭის იმიჯი აქვს, რომელიც შორსაა ნებისმიერი ვარსკვლავისაგან. ეს არის იმიჯი ბიჭისა, რომელიც პატარა, პროვინციულ ქალაქში გაიზარდა, სადაც „არაფერია საკეთებელი და დრო მოსაწყენად გადის”. ის ოცნებობს აპულიის პროვინციაში ვილის შეძენაზე და არ ერიდება, აღიაროს, რომ როცა პირველად დადგა მიკროფონთან, სირცხვილის გრძნობა ჰქონდა. ალბათ იმიტომაც, რომ „ბიჭებისთვის იტალიის ღრმა სამხრეთიდან, ჯერ კიდევ არ დაწყებულა ის რევოლუცია, რაც ახლა მუსიკალურ სცენაზე ხდება”.
