ნიუ-იორკში დაფუძნებულმა ქართველმა არტისტმა Creams-მა ახალი კლიპი გაავრცელა. ვიდეო გადაღებულია სომღერაზე, სახელწოდებით FOADB. როგორც თავად მუსიკოსი სოციალურ ქსელებში წერს, FOADB დაანონსებულ სადებიუტო სტუდიურ ალბომში შევა. Plastic Supernova – ასე ჰქვია მომავალ LP-ს, რომელსაც არტისტი მსმენელს მიმდინარე წელს წარუდგენს. კლიპის რეჟისორი გიორგი ქველიძეა.
ნიუ-იორკში გადასვლის შემდეგ Creams აქტიურად ცდილობს, ადგილობრივ და საერთაშორისო სცენას დაუკავშირდეს. ახლახან მუსიკოსმა ევროპული ტურნეც დააანონსა. ჯერჯერობით უცნობია ტურნეს დაწყების ზუსტი თარიღი, ასევე ქალაქები და ვენიუები, სადაც მუსიკოსი კონცერტებს გამართავს.
ახალგაზრდა არტისტსა და პროდიუსერს ქართველი მსმენელი 2019 წლიდან უკვე კარგად იცნობს. 2020 წლიდან Creams კომპანია Sony Music Group-ის მუსიკალურ ლეიბლთან, AWAL Records-თან თანამშრომლობს. არტისტს გამოშვებული აქვს არაერთი სინგლი, რომელიც ქართულ მუსიკალურ სივრცეში დიდი პოპულარობით სარგებლობს. მათ შორის არის: Die For You, Sleep On Me, Run. აღსანიშნავია, რომ ტრეკი Sleep On Me სტრიმინგ სერვის Netflix-ის ცნობილ სერიალში, Lucifer-ში გაჟღერდა.
