27 ივნისს „პუბლიკა”-ში პაპუნა შარიქაძის ალბომის, Jazz Unlimited-ის პრეზენტაცია გაიმართება. სადებიუტო ალბომში ოთხი საავტორო კომპოზიციაა გაერთიანებული: Post Waltz, Big Zur, Creeping Borders და ალბომის სახელწოდების მქონე ტრეკი Jazz Unlimited. თავად ალბომი კი Break Records-ის ლეიბლის ქვეშ ჩაიწერა.
“ალბომს Jazz Unlimited ჰქვია. 27 ივნისს, 21:00 საათზე, „პუბლიკა”-ში ჩემი სადებიუტო ალბომის პრეზენტაციაა, რომელიც 31 მარტს, Break Records-ის ლეიბლის ქვეშ, ერთ დღეში ჩაიწერა და ერთი თვის წინ ყველა სტრიმინგ პლატფორმაზე გამოვიდა. ახლა პარალელურად Youtube-ზეც იდება ყველა ტრეკი თავისი ვიდეოკლიპებით. ალბომში შედის 4 საავტორო ნაწარმოები. ხვალ ალბომში შესულ ოთხ ტრეკს და კიდევ რამდენიმე სხვა კომპოზიციას – ჩემს ინსტრუმენტულ ჯაზურ თემებს ხატია ქორიძესთან (ბას გიტარა) და სოსო ცაგარეიშვილთან (დრამი) ერთად დავუკრავ. ეს ჩემი და Break Records-ის თანამშრომლობის პირველი ეტაპია და სამომავლოდ კიდევ ვგეგმავთ საერთო პროექტებს.”
მოისმინეთ პაპუნა შარიქაძის ალბომი Jazz Unlimited:
