ახალ „ფრისტაილში” უილ სმითი კრის როკთან ოსკარის ინციდენტს ეხება

ჩარლი სლოთის Fire in the Booth-ში მონაწილეობის დროს უილ სმითმა გარეპვისას კრის როკთან ოსკარის ინციდენტიც ახსენა. 

“If you talking crazy out your face up on the stage and disrespect me on the stage, expect me on the stage” („თუ სცენიდან შეურაცხყოფას მომაყენებ, იმავე სცენაზე მელოდე”) – გარეპა სმითმა. 

ე.წ. „ფრისტაილში” კიდევ ერთი სტრიქონი იყო, რომელიც ფანებმა კრის როკთან დააკავშირეს. სმითმა ახსენა კომიკოსი, რომელსაც შეუძლია სხვები გააკრიტიკოს, მაგრამ თავად კრიტიკას არ იღებს. 

ეს არ არის პირველი შემთხვევა, როცა სმითი კრის როკთან მომხდარ ინციდენტს ეხმაურება. სავარაუდოდ, ამ შემთხვევას ეხება რეპერი წელს გამოცემული ალბომის, Based On a True Story-ს სიმღერაში You Lookin’ For Me? ხოლო ალბომის გამხსნელი ტრეკი Int. Barbershop — Day შედგება ფანების საუბრებისგან სმითის კარიერის შესახებ სხვადასხვა ნარატივზე. მათ შორისაა ფრაზა You better keep his wife’s name out of your mouth.

კრის როკისთვის სილის გაწვნის გამო, სმითი ოსკარის დაჯილდოების ცერემონიიდან 10 წლით დისკვალიფიცირდა. ინციდენტი კომიკოსის მხრიდან სმითის მეუღლეზე, ჯეიდა პინკეტ სმითზე ნათქვამ ხუმრობას მოჰყვა. 

შემთხვევის შემდეგ სმითმა როკს ბოდიში მოუხადა და კინოაკადემია დატოვა.