კანიე უესტმა და Diddy-ს ვაჟმა, მოულოდნელად, EP გამოსცეს, სახელწოდებით Never Stop.
უესტმა და კინგ კომბსმა პროექტი სტრიმინგ პლატფორმებზე 27 ივნისს გამოაქვეყნეს. კანიე ალბომის აღმასრულებელი პროდიუსერია. პროექტში მონაწილეობს ასევე ნორს უესტიც, რეპერისა და კიმ კარდაშიანის უფროსი ქალიშვილი, რომელიც სიმღერა Lonely Roads-ში რეპავს. აღნიშვნის ღირსია ასევე კომპოზიცია Diddy Free, რომელიც ამჟამად დაპატიმრებული კომბსის გათავისუფლებას მოითხოვს.
უესტი Diddy-ს ერთ-ერთი გულმხურვალე დამცველია მას შემდეგ, რაც კომბსი სექსტრეფიკინგის ბრალდებით დააკავეს. კანიე ამ თვეში მის სასამართლო პროცესსაც დაესწრო და განაცხადა, რომ იქ კომბსის მხარდასაჭერად მივიდა.
Diddy-ს სასამართლო პროცესები მაისის შემდეგ მიმდინარეობს. ფედერალური პროკურატურა მას ედავება უკანონო წვეულებების მოწყობას, სადაც ის, გადმოცემით, ქალებს, მათ შორის ყოფილ მეგობარ გოგონა კეისი ვენურას, სხვებთან სექსს აიძულებდა. რეპერის იურიდიული გუნდი ყველა ბრალდებას უარყოფს. მისი ადვოკატი ამბობს: „შონ კომბსი რთული კაცია, მაგრამ ეს არ არის რთული საქმე. ჩვენ სრულ პასუხისმგებლობას ვიღებთ იმაზე, რომ ნამდვილად იყო ოჯახური ძალადობა. ოჯახური ძალადობა კი არ არის სექსტრეფიკინგი.”
Diddy-ს ოჯახი მტკიცედ რჩება მის მხარდამჭერად. 26 ივნისის პროცესს მისი ქალიშვილებიც ესწრებოდნენ.
მოუსმინეთ კანიე უესტისა და კინგ კომბსის EP-ს:
