Evanescence-ის სიმღერა Afterlife Netflix-ის სერიალის, Devil May Cry-ს საუნდტრეკია, რის გამოც ის 5 ივლისის მონაცემებით, ჩარტის პირველ პოზიციაზე მოექცა. ამ გამარჯვებამ კი ბენდის ჩარტების სათავეში მოხვედრის 22 წლიანი მოლოდინი დაასრულა.
ჯგუფი ჩარტში პირველად სიმღერით Bring Me to Life მოხვდა, რომელიც 2003 წლის მაისში მე-11 ადგილზე გავიდა. აღსანიშნავია, რომ ბენდი 1994 წელს დაარსდა.
Afterlife-ამდე ჩარტში Evanescence-ის ყველაზე მაღალი პოზიცია მეხუთე ადგილი იყო 2006 წელს, სიმღერით Call Me When You’re Sober.
აღსანიშნავია, რომ Mainstream Rock Airplay ჩარტში სოლო არტისტებს შორის რეკორდი ოზი ოსბორნს ეკუთვნის, რომელსაც ორ წარმატებულ ჩარტში მოხვედრას შორის 26 წლიანი სხვაობა აქვს, პირველად 1981 წელს მე-9 ადგილი დაიკავა სიმღერით Crazy Train, ხოლო მეორედ 2007 წელს – პირველი ადგილი სიმღერით Don’t Wanna Stop.
Evanescence-ის სიმღერამ Afterlife Alternative Airplay ჩარტში 25-ე პოზიციიდან 23-ზე გადაინცავლა, რაც ბენდისთვის საუკეთესო მაჩვენებელია.
Rock & Alternative Airplay ჩარტში კი ჯგუფმა სიმღერით Afterlife მე-3 ადგილი დაიკავა.
სერიალი Devil May Cry ლეგენდარული ვიდეოთამაშების სერიის ანიმე ადაპტაციაა, რომელიც Netflix-ზე 3 აპრილს გამოვიდა.
