ლეგენდარული ბენდის, Led Zeppelin-ის ფრონტმენმა რობერტ პლანტმა ლივერპულის ფეხბურთელის, დიოგო ჟოტას ხსოვნას პატივი მიაგო. პორტუგალიის ეროვნული ნაკრების ფეხბურთელი 2 ივლისს ესპანეთში, ავტოსაგზაო შემთხვევის შედეგად, 28 წლის ასაკში ტრაგიკულად დაიღუპა.
რობერტ პლანტმა, რომელიც მთელი ცხოვრება Wolverhampton Wanderers-ის გულშემატკივარი და ამავე კლუბის ვიცე-პრეზიდენტია, სოციალურ ქსელ X-ზე დიოგო ჟოტას ხსოვნისადმი მიძღვნილი პოსტი გამოაქვეყნა: „რა ტრაგიკული დანაკარგია. კაშკაშა სინათლის ჩაქრობა… მადლობა ჯადოსნურობისთვის, დიოგო.“
გავრცელებული ინფორმაციით, ავტოსაგზაო შემთხვევა 3 ივლისს, დილით მოხდა, როდესაც დიოგო ჟოტა პორტუგალიიდან ესპანეთის ქალაქ სანტანდერისკენ მიემგზავრებოდა, საიდანაც წინასასეზონო შეკრებისთვის ინგლისში ბორანით დაბრუნებას გეგმავდა. ცნობილია, რომ მას მცირე ქირურგიული ჩარევის შემდეგ ფრენა არ ურჩიეს, რის გამოც ხმელეთით მგზავრობა გადაწყვიტა.
ავტოავარიის შედეგად ასევე დაიღუპა დიეგოს უმცროსი ძმა, 25 წლის ანდრე სილვა, რომელიც ასევე ფეხბურთელი იყო.
CNN-ის ცნობით, ესპანეთის სამოქალაქო გვარდიამ განაცხადა, რომ ავტოავარიის სავარაუდო მიზეზი გადასწრებისას მომხდარი ინციდენტი იყო.
აღსანიშნავია, რომ რობერტ პლანტის კავშირი დიოგო ჟოტასთან მხოლოდ მუსიკით არ შემოიფარგლებაოდა. როკის ლეგენდა 2009 წლიდან საფეხბურთო კლუბ Wolves-ის ვიცე-პრეზიდენტია და ამ წლების განმავლობაში Molineux-ის სტადიონზე უამრავ მატჩს დაესწრო. დიოგო ჟოტას კარიერაში გარდამტეხ მომენტად სწორედ Wolves-ში ყოფნის პერიოდი სახელდება. 2017 წელს იგი გუნდს შეუერთდა და მნიშვნელოვანი როლი შეასრულა კლუბის პრემიერლიგის წარმატებაში. შემდეგ კი კლუბის ძირითად შემადგენლობათა რიგებში, როგორც გამორჩეული ფორვარდი, ისე ჩაეწერა.
დიეგო ჟოტას გარდაცვალებას უამრავი ცნობილი ადამიანი გამოეხმაურა. კრიშტიანო რონალდომ ემოციური პოსტი გამოაქვეყნა: „წარმოუდგენელია. სულ ახლახანს ერთად ვიყავით ნაკრებში, ახლახან იქორწინე… განისვენეთ მშვიდად, დიოგო და ანდრე. ძალიან დაგვაკლდებით.“
ფეხბურთელის გარდაცვალებას ლივერპულის ყოფილი მთავარი მწვრთნელი იურგენ კლოპიც გამოეხმაურა: „ის არამარტო არაჩვეულებრივი ფეხბურთელი, არამედ შესანიშნავი მეგობარი, მოსიყვარულე და მზრუნველი მეუღლე და მამა იყო.“
დიოგო ჟოტა რუტე კარდოზოსთან ქორწინებიდან მეთერთმეტე დღეს ტრაგიკულად დაიღუპა, მას სამი მცირეწლოვანი შვილი დარჩა.
What a tragic loss. The dimming of a bright, shining light. Thank you for your magic, Diogo. https://t.co/SiFJRKPiCn
— Robert Plant (@RobertPlant) July 3, 2025
