7 ივლისს BLACKPINK-მა ახალი სიმღერის, JUMP-ის ვიდეო თიზერი გაავრცელა. რამდენიმე დღით ადრე კი სიმღერის პრემიერა DEADLINE-ის მსოფლიო ტურნეს დროს შესრულდა.
30 წამიან ვიდეოში ქალაქში განთავსებულ ბილბორდებს ვხედავთ, სადაც სხვადასხვა ბანერზე ბენდის წევრები: ROSÉ, LISA, JENNIE და JISOO არიან წარმოდგენილი. ბოლოს კი კადრში ვარდისფერი წარწერა იუწყება, რომ მუსიკალური ვიდეო 11 ივლისს გამოვა.
აღსანიშნავია, რომ BLACKPINK-ს 2023 წლის შემდეგ ახალი სიმღერა აღარ გამოუშვია, ბოლოს ბენდმა ერთობლივად სპეციალურად Blackpink The Game-ისთვის სიმღერა The Girls გამოაქვეყნა
2022 წელს კი BLACKPINK-ის ალბომმა Born Pink, Billboard 200-ის ჩარტში N1 ადგილი დაიკავა.
მას შემდეგ, რაც ჯგუფმა ბოლოს ერთად გამოუშვა ალბომი, ბენდის თითოეულმა წევრმა ROSÉ-მ, LISA-მ, JENNIE-მ და JISOO-მ სოლო პროექტებზე დაიწყეს მუშაობა. თუმცა ბენდმა მსოფლიო ტურნე დააანონსა და 5 ივლისს სამხრეთ კორეაში, Goyang-ის სტადიონზე, DEADLINE-ის მსოფლიო ტურნეს პირველი კონცერტი გაიმართა. სწორედ ამ შოუზე შედგა სიმღერა JUMP-ის პრემიერა.
DEADLINE ტურნეს შემდეგი კონცერტები 12-13 ივლისს ლოს-ანჯელესის SoFi სტადიონზე გაიმართება.
BLACKPINK-ის წევრების თქმით, სიმღერა JUMP-ის შემდეგ მსმენელი ახალ სიმღერებსაც უნდა ელოდოს.
ნახეთ BLACKPINK-ის სიმღერის, JUMP-ის თიზერ ვიდეო.:
