სალო თათარაშვილმა Nikala-სთან კოლაბორაციით ახალი სიმღერა – Someway გამოუშვა

SALLO (სალომე თათარაშვილი) ამჟამად 23 წლისაა. საავტორო მუსიკალური კარიერა არტისტმა 2018 წელს დაიწყო, პირველი ტრეკი კი 2021 წელს გამოუშვა.
SALLO – Someway (Feat. Nikala)

სალო თათარაშვილმა, სასცენო სახელით SALLO, ახალი სიმღერა – Someway გამოუშვა. მუსიკისა და ტექსტის ავტორი თავად სალომეა, ხოლო პროდიუსერი – Nikala. ტრეკის მიქსინგსა და მასტერინგზე პაპუნა ალიბეგაშვილმა იმუშავა.

Someway ალტერნატიული R&B-ის, საცეკვაო და ელექტრონულ ჟანრებს ეკუთვნის. როგორც არტისტი Billboard Georgia-სთან საუბრისას აღნიშნავს, ამ ჟანრში პირველად იმუშავა და შესაბამისად, სიმღერა განსხვავდება მისი წინა ნამუშევრებისგან.

„ეს სიმღერა ბევრად მსუბუქი, რითმული, ნათელი და პოზიტიურია. მგონია, რომ რაღაც ახალი ფერი დაემატა ჩემს მუსიკალურ სამყაროს და მეტად მრავალფეროვანი გახდა, რაც ჩემთვის, როგორც არტისტისთვის, ძალიან მნიშვნელოვანია. რაც შეეხება შინაარსს – სიმღერა არის ადამიანზე, რომელიც სამყაროს სულ სხვანაირად გაჩვენებს და თავს განსაკუთრებულად გაგრძნობინებს.”

სამუშაო პროცესზე საუბრისას სალომე თათარაშვილი აღნიშნავს, რომ ყველაფერი ბუნებრივად წარიმართა, რადგან მისი, ნიკალას და პაპუნა ალიბეგაშვილის მუსიკალური გემოვნება ერთმანეთს ემთხვევა.

„ჩემი მუსიკალური კარიერა პაპუნასთან და Nikala-სთან ერთად დავიწყე. პირველი ნაბიჯების გადადგმაში ისინი დამეხმარნენ და დღემდე ჩემს გვერდით არიან. მათთან ერთად მუსიკაზე მუშაობა ჩემთვის ყოველთვის განსაკუთრებული პროცესია – კომფორტული და ძალიან შემოქმედებითი.

ეს არტისტები ძალიან გამოცდილები არიან და მათგან ყოველ ჯერზე რაღაც ახალს ვსწავლობ – ტექნიკურადაც და ემოციურადაც. ჩასაწერად ძალიან ცოტა დრო გვქონდა, რადგან პაპუნა დროებით იყო ჩამოსული საქართველოში და ყველაფერი უნდა მოგვესწრო. თავდაპირველად ამ ტრეკის დემო ძალიან მელანქოლიური და მშვიდი იყო – თითქოს რაღაც აკლდა. ნიკალას გავუგზავნეთ და მეორე დღეს რადიკალურად სხვა ჟანრის ნამუშევარი გამოგვიგზავნა. იმდენად მოგვეწონა, რომ მთლიანად შევცვალეთ წყობაც, ჟანრიც და ხასიათიც. ამ ტრეკმა თითქოს თვითონ აირჩია მიმართულება და ჩვენ უბრალოდ მივყევით.”

დაახლოებით ერთი წლის წინ სალომე თათარაშვილმა სადებიუტო EP, სახელწოდებით Sparkles გამოსცა. ამჟამად კი პირველ სრულმეტრაჟიან ალბომზე მუშაობს. მუსიკოსის თქმით, ალბომი ჟანრობრივად საკმაოდ მრავალფეროვანია და ეს მისთვის სრულიად ახალი შემოქმედებითი ეტაპია.

სალომე თათარაშვილი
ფოტო: ნინუცა კაკაბაძე

SALLO (სალომე თათარაშვილი) ამჟამად 23 წლისაა. საავტორო მუსიკალური კარიერა არტისტმა 2018 წელს დაიწყო, პირველი ტრეკი კი 2021 წელს გამოუშვა. მისი ნამუშევრები ყველაზე ახლოს სოულისა და R&B ჟანრებთან დგას. მისი შემოქმედებითი კარიერა თეატრსაც მოიცავს. როგორც თავად ამბობს, თეატრალურ სცენაზე თავისი ადგილი მიუზიკლებში იპოვა.

„მუსიკა ჩემთვის უპირველესია. დღესაც ჩემი მთავარი მიზნები სწორედ მას უკავშირდება. ქართველი მსმენელი ჯერ კარგად არ მიცნობს, თუმცა ვიმედოვნებ, მალე მივაწვდენ ჩემს ხმას,” – ამბობს სალომე თათარაშვილი.

Share
Tweet
Share
Share
Share

Leave a Reply

წინა სტატია

ნიკ კეივს პრესტიჟული ფრანგული ჯილდო გადაეცა

შემდეგი სტატია

მაილი საირუსის თქმით, „ჰანა მონტანას” 20 წლის იუბილეზე განსაკუთრებული რამ აქვს დაგეგმილი

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი