მაილი საირუსი „ჰანა მონტანას” ვერ ივიწყებს. მომღერალმა, რომელმაც ცნობადობა თინეიჯერობის ასაკში სწორედ მონტანას როლის შესრულებით მოიპოვა, გაამხილა, რომ შოუს 20 წლის იუბილესთვის რაღაც განსაკუთრებულზე მუშაობს.
„მინდა, რაღაც ძალიან განსაკუთრებული გავაკეთო, რადგან სწორედ ეს იყო იმ ყველაფრის დასაწყისი, რასაც დღეს წარმოვადგენ. ჰანას გარეშე, მე ასეთი არ ვიქნებოდი. სიგიჟეა იმაზე ფიქრი, რომ კარიერა დავიწყე იმ პერსონაჟით, რომლისგანაც, ვფიქრობდი, რომ თავის დაღწევა შეუძლებელი იყო. ახლა კი ბავშვობის ნოსტალგიად იქცა. დღეს მეც ისევე ვარ ყველას ცხოვრებაში, როგორც ჩემი პერსონაჟი.”
საირუსი 13 წლის იყო, როცა პირველად ჰანა მონტანა განასახიერა. სერიალის ოთხი სეზონი 2011 წლამდე გაგრძელდა. მასში ასევე მონაწილეობდა საირუსის მამა ბილი რეი საირუსი, რომელიც სერიალშიც მაილის მამას, რობი რეის თამაშობდა. 2008 წელს საკონცერტო ფილმში Hannah Montana & Miley Cyrus: Best of Both Worlds Concert საირუსმა განასახიერა ორივე პერსონაჟი – საკუთარი თავი და მონტანა.
მომღერალმა 2006 წელს გამოსცა ალბომი Hannah Montana; 2007-ში – Hannah Montana 2: Meet Miley Cyrus; 2009-ში – Hannah Montana 3; ხოლო 2010-ში – Hannah Montana Forever. ასევე Billboard Hot 100-ის სინგლები: He Could Be the One (მე-10 პოზიცია), Life’s What You Make It (25-ე პოზიცია), Nobody’s Perfect (27-ე პოზიცია) და Let’s Get Crazy (57-ე პოზიცია).
მონტანას იუბილესთან დაკავშირებულ გეგმებზე დამატებითი დეტალები ამ ეტაპზე არ გავრცელებულა.
ნახეთ ვიდეო:
