ჯასტინ ბიბერმა ახალი კლიპი გამოაქვეყნა, სიმღერაზე Yukon. ვიდეოში მუსიკოსი დროს ოჯახთან, მეუღლესა და 11 თვის ვაჟთან ერთად ატარებს.
კოლ ბენეტის მიერ გადაღებულ შავ-თეთრ კლიპში ბიბერები იახტაზე არიან, რომლის ფორმაც ჯასტინის ტანსაცმლის ხაზის ახალი ბრენდის, Skylrk-ის ლოგოს ჰგავს.
„ვიდეო რამდენიმე კვირის წინ გადავიღეთ, ესპანეთსა და იტალიაში ყოფნისას. ეს მოგონებები მთელი ჩემი ცხოვრება მემახსოვრება. მადლობა ყველაფრისთვის,” – დაწერა ბენეტმა ინსტაგრამზე და ჯასტინი და ჰეილი მონიშნა.
ვიდეო 11 თვის ჯეკ ბლუზ ბიბერის დებიუტია. რაც შეეხება ჰეილის, ის აქამდეც არაერთ კლიპში გამოჩენილა, მათ შორისაა DJ Khaled-ისა და დრეიკის Popstar, ჯასტინისა და Dan + Shay-ს 10,000 Hours და არიანა გრანდესა და ბიბერის Stuck with U.
Yukon შესულია ბიბერის ბოლო ალბომში Swag, რომელიც გასულ თვეს Billboard 200-ის მეორე ადგილზე გავიდა. სიმღერამ Billboard Hot 100-ის მე-17 პოზიცია დაიკავა, რაც ალბომის სინგლებიდან მეორე საუკეთესო შედეგია მე-2 ადგილზე გასული Daisies-ის შემდეგ.
ნახეთ ვიდეოკლიპი:
