„გულწრფელად რომ ვთქვა, ჩვენ უბრალოდ ვიცნობდით ერთმანეთს, ახლო მეგობრები არ ვყოფილვართ, თუმცა ვფიქრობდი, რომ კარგი ადამიანი იყო და ერთად რამდენიმე სიმღერა ჩავწერეთ.“ – იხსენებს ბენი ბლანკოზე სელენა გომესი.
სელენა გომესი Therapuss-ის პოდკასტს სტუმრობდა, სადაც წამყვანს, ჯეიკ შეინს არაერთ თემაზე ესაუბრა, მათ შორის სამსახიობო კარიერაზე, ფსიქიკური ჯანმრთელობის თემასა თუ ბენი ბლანკოსთან პირად ურთიერთობაზე.
შეინთან საუბარში გომესმა პირადი ცხოვრების ბოლო პერიოდი მიმოიხილა. მან ასევე ისაუბრა საკუთარ კოსმეტიკურ ბრენდ Rare Beauty-ზე, რომელიც 2020 წელს დააარსა, გაყიდვიდან შემოსული თანხის ნაწილს კი არტისტი ფსიქიკური ჯანმრთელობის მხარდამჭერ ორგანიზაციებში რიცხავს.
სელენა გომესის თქმით, მენტალური ჯანმრთელობის ასპექტს მისთვის განსაკუთრებული მნიშვნელობის აქვს, გამომდინარე იქიდან, რომ წლების განმავლობაში თავადაც ჰქონდა ამ მხრივ პრობლემები.
„ჩემი ისტორია იმ იმედით გავაზიარე, რომ სხვებსაც დავხმარებოდი. როცა გავამხილე, რომ ბიპოლარული აშლილობა მქონდა, ეს ჩემთვის ერთგვარი გათავისუფლება იყო. შემდეგ კი მივხვდი, რომ ყველაფერი, რაზეც ვმუშაობ ან რაც მეხება, აუცილებლად უნდა ატარებდეს რაღაც ღირებულს. ჩემი მთავარი აუდიტორია ყოველთვის ის ადამიანები იყვნენ, რომლებიც გრძნობდნენ, რომ მათ ვერავინ ამჩნევდა, მათი არ ესმოდათ ან საკუთარი თავის ძიებაში იყვნენ.”
ფსიქიკურ ჯანმრთელობაზე საუბრისას სელენა გომესმა დაამატა: “ნამდვილად მჯერა თერაპიის. ვიღებ მედიკამენტებს და ძალიან გამიმართლა, რომ ახლა იმ მდგომარეობაში ვარ, რომელშიც ვარ.“
არტისტმა პოდკასტ Therapuss-ში კიდევ ერთ მნიშვნელოვან თემაზე – მისი და ბენი ბლანკოს ურთერთობის დასაწყისზე ისაუბრა. წყვილმა ურთიერთობა 2023 წელს გაასაჯაროვა, 2024 წლის ბოლოს კი დაინიშნენ. მოგვიანებით მათ ერთად იმუშავეს ალბომზე – I Said I Love You First.
„აღფრთოვანებული ვარ ქორწინებით, ამ ეტაპზე ბევრი რამ ხდება, ბლანკო რამდენიმე პროექტზე მუშაობს, გვაქვს პირადი გეგმები, რომლებიც ქორწინების საბოლოო დაგეგმვამდე უნდა დავამთავროთ. ცხოვრებაში არასდროს ვყოფილვარ ასე დარწმუნებული რამეში. თუმცა არ მინდა ამაზე ხმამაღლა საუბარი.” – თქვა სელენა გომესმა.
ინტერვიუერმა სელენას სთხოვა, ბლანკოსთან ურთიერთობის დასაწყისიც გაეხსენებინა, მომღერალმა კი თქვა რომ ისინი ერთმანეთს მუსიკალური კარიერის საწყის ეტაპზე შეხვდნენ, თუმცა თავდაპირველად მხოლოდ ნაცნობობით შემოიფარგლებოდნენ.
„გულწრფელად რომ ვთქვა ჩვენ უბრალოდ ვიცნობდით ერთმანეთს, ახლო მეგობრები არ ვყოფილვართ, თუმცა ვფიქრობდი, რომ კარგი ადამიანი იყო და ერთად რამდენიმე სიმღერა ჩავწერეთ.“ – იხსენებს სელენა გომესი.
მას შემდეგ რაც სელენამ და ბენი ბლანკომ 2023 წლის სიმღერაზე Single Soon მუშაობა დაიწყეს, მათი მეგობრობა უფრო ღრმა ურთიერთობაში გადაიზარდა.
„ორი საათის განმავლობაში ვლაპარაკობდით და ვთხოვე, ჩემთვის ვინმე სიმპათიური გაეცნო, მან კი მითხრა, რომ საღამოებს ვაწყობთ, სადილზე ვიკრიბებით და შენც უნდა მოხვიდეო, – ამის შემდეგ კი უკვე ერთად ვიყავით”. – თქვა სელენამ.
ნახეთ სელენა გომესის ინტერვიუ Therapuss-ის პოდკასტში:
