ლანა დელ რეის ქანთრი ალბომი ჯერ კიდევ მზადების პროცესშია. ჟურნალ W-სთან ინტერვიუში მომღერლმა დიდი ხნის გადადებულ პროექტზე ისაუბრა, რომელსაც ახლა Stove ეწოდება და რომლის გამოსვლაც იანვარში იგეგმება.
გეგმის მიხედვით, ალბომის გამოცემა გაზაფხულზე იგეგმებოდა, თუმცა ლანა დელ რეიმ პროექტი ექვსი სიმღერის დამატების მიზნით გადადო.
„ნამუშევარი უფრო ავტობიოგრაფიული აღმოჩნდა, ვიდრე მეგონა, რისთვისაც მეტი დრო დამჭირდა. ალბომის უმეტესი ნაწილი ქანთრის სტილში იქნება. რვა წლის წინ, როდესაც ქანთრი ალბომის გამოცემას ვაპირებდი, მაშინ ქანთრიზე არავინ ფიქრობდა,“ – განუცხადა ლანა დელ რეიმ W-ს და დაამატა, რომ მაშინ ალბომის ყდის გამოქვეყნება სურდა, რომლის სახელწოდებაც Country & Western იქნებოდა.
მიუხედავად ამისა, ოქტომბერში, როცა ალბომის გამოსვლის თარიღიც გამოცხადდა, ლანა დელ რეიმ In Style-ის წითელ ხალიჩაზე განაცხადა, რომ „მუსიკალური ატმოსფეროს“ ცვლილებამ იძულებული გახადა, პროექტი, რომელზეც ის პროდიუსერებთან: ჯეკ ანტონოფთან, ლუკ ლერდთან, ზაქარი დოუსთან და დრიუ ერიქსონთან თანამშრომლობდა, შეეჩერებინა. „მიყვარს ჩემი დაწერილი სიმღერები და არ მინდა, ის სანახევროდ მომზადებულ ნამუშევრად იქცეს.“
ნოემბერში მომღრალმა ინსტაგრამზე დაწერა, რომ ალბომი 21 მაისს გამოვიდოდა შემდეგი სახელწოდებით – The Right Person Will Stay, თუმცა ეს თარიღიც ჩავარდა.
„მადლიერი ვარ, რომ ჩემი 13 ტრეკი ჩემს ულამაზეს ნამუშევრებთან გაერთიანდა, რომელშიც ლუკი, ჯეკი, ზაკი, დრიუ ერიქსონი და სხვები მონაწილეობენ. მოხარული ვარ, რომ Stagecoach-ის დაწყებამდე რამდენიმე სიმღერას მოისმენთ. მიყვარხართ მუდამ,” – დაწერა მაშინ მომღერალმა და კომპოზიტორმა.
აპრილში ლანა დელ რეიმ აკუსტიკური გიტარის ჟღერადობით გაჯერებული ახალი სიმღერა Henry, Come On გამოუშვა, რომლის დებიუტიც Stagecoach-ის ფესტივალზე შედგა.
