პირველ რიგში, უნდა ვთქვათ, რომ Lightning & Thunder არ არის Neil Diamond-ის ქავერ ბენდი, ის Diamond-ის ინტერპრეტატორი დუეტია. სწორედ ამას სწავლობს ჰიუ ჯეკმანის პერსონაჟი მაიკ სარდინა კეიტ ჰადსონის გმირ კლერ სტენგელისგან მომავალი ფილმის, Song Sung Blue-ს პირველ ტრეილერში.
მსახიობთა ეს წყვილი, რომელთაგანაც ორივეს დიდი მუსიკალური გამოცდილება აქვს (ჯეკმანს ბროდვეის არაერთ მიუზიკლში, ჰადსონს კი 2024 წლის ალბომში Glorious), მთავარ როლს ასრულებს ფილმში Song Sung Blue. ფილმი ორი მუსიკოსის რეალურ ამბავს ჰყვება, რომელთაც თავიანთი განსაკუთრებული მიზანი იპოვეს, როცა Diamond-ის ინტერპრეტატორი დუეტი შექმნეს.
„მე არ ვარ კომპოზიტორი, არ ვარ სექსსიმბოლო. უბრალოდ მინდა, რომ ადამიანები გავართო,” – ეუბნება ჯეკმანის პერსონაჟი მაიკი ჰადსონის გმირს ტრეილერში. “მე არ მინდა, პარიკმახერი ვიყო,” – პასუხობს კლერი. „მინდა ვიმღერო, ვიცეკვო, მინდა, მქონდეს ეზო და მყავდეს კატა.”
შემდეგ სარდინა იღებს Diamond-ის 1972 წლის ალბომის, Moods-ის ასლს, რომელშიც შედის Billboard Hot 100-ის ლიდერი ჰიტი Song Sung Blue. სტენლი კი ურჩევს, არ იყოს უბრალოდ Diamond-ის განმასახიერებელი. „შენ უნდა იყო Neil Diamond-ის ინტერპრეტატორი.” და დუეტი თავის გზას პოულობს.
ფილმი დაფუძნებულია 2008 წლის ამავე სახელწოდების დოკუმენტურ ფილმზე, რომელიც ჰყვება ცოლ-ქმრის, მაიკისა და კლერ სარდინების ამბავს, რომლებმაც დააარსეს Diamond-ისადმი მიძღვნილი ჯგუფი Lighting & Thunder.
ფილმი კინოთეატრებში 25 დეკემბერს, შობის დღეს გამოვა. მასში ასევე მონაწილეობენ მაიკლ იმპერიოლი, ელა ანდერსონი, მუსიკოსი King Princess და სხვები.
ფილმის ტრეილერი საკუთარ ინსტაგრამის ანგარიშზე გააზიარა კეიტ ჰადსონმა და დაწერა: “თავისი არსით ფილმი სიყვარულზეა. ოცნებებზე, რომელთაც მივდევთ, შანსებზე, რომლებსაც ვიყენებთ და ოჯახებზე, რომლებიც გვაერთიანებენ. ის არის მუსიკაზე, რომელიც გვაძლიერებს. ფილმი შობის დღეზე გამოდის! ერთი სული გვაქვს, გაგიზიაროთ.”
ნახეთ Song Sung Blue-ს ტრეილერი:
