2024 წელს Cardi B და Offset ერთმანეთს დაშორდნენ. ახლახან TMZ-იმ Offset-თან გასაუბრება შეძლო. ჟურნალისტმა რეპერს ჰკითხა, რას ფიქრობს Cardi B-ის დაანონსებულ მეორე ალბომზე, სახელწოდებით Am I the Drama?, რომელმაც შესაძლოა, მის ახლახან გამოშვებულ ალბომ Kiari-ს ჩარტებში გადაუსწროს.
„თქვენი შვილების ორივე მშობელი იქნება ნომინირებული წლის ალბომის კატეგორიაში?“ – ჰკითხა არტისტს TMZ-ის რეპორტიორმა. „რა თქმა უნდა,“ – უპასუხა Offset-მა. ჟურნალისტის კითხვაზე, რამდენად არის ალბათობა იმისა, რომ არტისტები ერთმანეთს დაუპირისპირდნენ, Offset-მა უპასუხა: „არასოდეს. არა, არა და არა. მხოლოდ სიმშვიდე მინდა. ჩვენ ყველამ ერთად უნდა გავიმარჯვოთ. ბავშვები გვყავს გასაზრდელი, გამარჯვებებიც უნდა მოვიპოვოთ.“
ყოფილ წყვილს სამი შვილი ჰყავს: უფროსი 7 წლისაა, უმცროსი კი ერთი წლის. მიუხედავად იმისა, რომ Cardi B-იმ 2024 წლის ივლისში მეორედ შეიტანა განქორწინების შესახებ განცხადება, Offset-მა აღნიშნა, რომ აუცილებლად დაუჭერს მხარს თავის ყოფილ მეუღლეს, როცა ის ბოლოს და ბოლოს გამოუშვებს 2018 წლის ჩარტების ლიდერი ალბომის, Invasion of Privacy-ს გაგრძელებას.
Cardi B ამავე კვირაში ბრუკლინში გამართულ R&B/Hip-Hop Power Players-ის ღონისძიებაზე Billboard Impact of the Year Award-ის მფლობელი გახდა. ახლახან არტისტი ნიუ-იორკის ქუჩებში საკუთარი ალბომის პიარ აქტივობების დროს დააფიქსირეს. Cardi B-იმ ერთ-ერთი გადატვირთული ტროტუარი დაიკავა, გამვლელებს ალბომი წარუდგინა და მას ფასდაკლებით სთავაზობდა. „ჩემმა ლეიბლმა მითხრა, რომ უნდა გავიდე ქუჩაში და ეს ალბომი თავად გავყიდო,“ – დაწერა Cardi-მ ინსტაგრამზე ვიდეოს აღწერაში.
Cardi B-ის მეორე ალბომი – Am I the Drama? ოფიციალურად 19 სექტემბერს გამოიცემა.
