9 სექტემბერს Youtube პლატფორმა We Bury Dead Satellites In The Ghettos Of Eden-ზე DillaNext-ის (ზურა ჯიშკარიანი) და Bobby Kensei-ს ერთობლივი ტრეკი Yinav დაიდო, რომელიც ქალაქის ფსიქოგეოგრაფიულ პერიფერიებს იკვლევს. პროექტის ნაწილში მუსიკა, ინსტალაცია და ვიზუალური ხელოვნება ერთიანდება. ინსტალაცია, რომლის სახელწოდებაა I HAVE SEEN A CITY, ერთგვარად ქალაქის ხმოვან პორტრეტს ქმნის.
ახალი ტრეკის პროდიუსინგზე Pache-მ, Bobby Kensei-მ და Dilla-მ ერთობლივად იმუშავეს.
როგორც ვიდეოს Youtube აღწერაში არის აღნიშნული, ნამუშევარი იმ სიბრაზისა და სასოწარკვეთის განცდიდან წარმოიშვა, რომელსაც ქალაქის ყოველდღიურობაში ვხვდებით:
„ქალაქში, სადაც ყოველი ქუჩა, დისკურსი და ურთიერთობა ჩიხით მთავრდება, მხოლოდ ორი გზა რჩება: ან წასვლა, ან ხელოვნების შექმნა. ეს ტრეკი და ვიდეო მომაკვდავი ქალაქის ურბანულ-მელანქოლიური მოსაწვევია, ადგილის, რომლის ფსიქოგეოგრაფიასაც დაუფარავად ვიკვლევთ. თბილისს ოდესღაც „კავკასიის პარიზს“ და „პოეტების ქალაქს“ უწოდებდნენ, დღეს კი თითქოს გაქრობის პირას დგას.” – ვკითხულობთ აღწერაში.
მოისმინეთ: yinav / DillaNext, Bobby Kensei
