Bad Bunny თავის 30-დღიან ტურს – No Me Quiero Ir de Aquí-ს წარმატებით ატარებს. ტური პუერტო-რიკოში 11 ივლისს დაიწყო და უამრავი მსმენელი მიიზიდა. ამ შოუებით კუნძული ზაფხულის ერთ-ერთ ცხელ მიმართულებად იქცა, რაც ტურიზმისა და ეკონომიკის ზრდაში დიდ როლს ასრულებს.
კონცერტების სერიის დასრულების შემდეგ, პუერტო-რიკოელი არტისტი ნოემბერში ოფიციალურად იწყებს Debí Tirar Más Fotos-ის სახელით დაანონსებულ მსოფლიო ტურნეს. არტისტი ლათინურ ამერიკას, ევროპასა და აზიას ეწვევა. ტურნე 2025 წლის შემოდგომიდან 2026 წლის ზაფხულამდე გაგრძელდება.
როგორც აღმოჩნდა, Bad Bunny ჩრდილოეთ ამერიკას არ ეწვევა და აშშ-ში შოუებს არ ჩაატარებს. ამის მიზეზი არტისტმა i-D-სთან თავის ბოლო ინტერვიუში განმარტა.
„არსებობს ბევრი მიზეზი, რატომაც არ გადავინაცვლებ აშშ-ში. მიზეზები არ უკავშირდება სიძულვილს – ძალიან ბევრჯერ გამოვსულვარ შეერთებულ შტატებში და ყველა შოუ წარმატებული იყო, ყველა ძალიან გაერთო. მიყვარს იქ მცხოვრებ ლათინო-ამერიკელებთან კონტაქტი. ლათინო-ამერიკელები და აშშ-ში მცხოვრები პუერტო-რიკოელები თავისუფლად შეძლებდნენ შოუს სანახავად მოსვლას, მაგრამ პრობლემა ის არის, რომ შოუს გარეთ შესაძლოა ICE (სახელმწიფო მიგრაციის სამსახური) ყოფილიყო, რაც ფანებისთვის პრობლემურ სიტუაციას შექმნიდა. სწორედ ეს საკითხი გვაწუხებს.”
წლის დასაწყისში Bad Bunny შეუერთდა იმ არტისტების ნაკადს, რომლებიც კრიტიკით გამოეხმაურნენ ტრამპის ადმინისტრაციის მიერ მოწყობილ ICE-ის რეიდებს.
Debí Tirar Más Fotos-ის ტური, რომელიც Live Nation-ის მიერ არის ორგანიზებული, ამ წელს მეხიკოში დასრულდება და იანვარში კოლუმბიაში განახლდება. ტური ასევე იქნება პირველი შემთხვევა, როცა Bad Bunny ავსტრალიაში, ბრაზილიასა და იაპონიაში გამოვა.
