მაკ მილერის 2015 წლის 18 სექტემბერს გამოცემულ ალბომს GO:OD AM 10 წელი შეუსრულდა. მუსიკოსის მემკვიდრეობის წარმომადგენლებმა კი ამ თარიღის აღსანიშნად მოკლემეტრაჟიანი ფილმი გამოსცეს.
GO:OD AM (Time Flies, Try to Catch It) 15-წუთიანი დოკუმენტური ფილმია იმის შესახებ, თუ როგორ იქმნებოდა ალბომი და რა ხდებოდა იმ დროს მუსიკოსის გარშემო. ფილმი იწყება რეპერის ციტატით, სადაც ის ხსნის, თუ რისი მიღწევა სურდა ამ კონკრეტული პროექტით: „მინდოდა, ეს ალბომი, სუფთა ჰაერის ჩასუნთქვასავით ყოფილიყო,” – ამბობს მილერი. „ბევრი მუსიკა, რომელსაც ბოლო დროს ვაკეთებ, ცოტა ბნელი და სევდიანა. მინდოდა, რომ ეს ალბომი ამ ყველაფრისგან გამოსვლა ყოფილიყო, რომელშიც თავდაჯერებულობა და პოზიტივი იგრძნობოდა.”
ფილმის სინოფსისში ვკითხულობთ: „სემ ბალაბანის მიერ შექმნილი ფილმი – რომელმაც გადაიღო მაკის Inertia, მოგვიანებით კი მოკლემეტრაჟიანი ფილმი Making Faces – ეხება ალბომს, რომელიც მაკის პირველი რელიზი იყო დიდი ლეიბლის ქვეშ და რომელიც მიანიშნებდა იმ დიდ არტისტულ ევოლუციაზე, რაც შემდგომ მის მომავალ ალბომებში აისახა. საარქივო მასალის გამოყენებითა და მილერის გუნდის წევრებისა და მეგობრების დახმარებით ფილმი ალბომის მნიშვნელობას აანალიზებს.”
მაკ მილერი 2018 წლის 7 სექტემბერს გარდაიცვალა. მუსიკოსი 26 წლის იყო.
ნახეთ მოკლემეტრაჟიანი ფილმი GO:OD AM (Time Flies, Try to Catch It):
