50 Cent-მა არ დააყოვნა და Diddy-ს განაჩენს გამოეხმაურა, რომლითაც კომბსს 50-თვიანი პატიმრობა შეეფარდა.
რეპერმა ინსტაგრამზე Diddy-ს პორტრეტის ილუსტრაცია გამოაქვეყნა, რომელიც სასამართლოს დარბაზში ზის და ცრემლებს იწმენდს.
„ჰეი, ვინც Diddy-ს სპიკერად დაჯავშნაზე მუშაობდა,” – წერს რეპერი. „როგორც გავიგე, ის ვერ შეძლებს მოსვლას, თუმცა მე შემიძლია!”
Inner City Press-ის მიერ გავრცელებული ინფორმაციის თანახმად, Diddy-ს მომავალ კვირას მაიამიში უკვე საჯარო გამოსვლები ჰქონდა დაგეგმილი იმ შემთხვევისთვის, თუ მას საპატიმროდან გაათავისუფლებდნენ.
პროკურორებმა ამ ქმედებას „სითავხედის მწვერვალი” უწოდეს, კომბსის ადვოკატები კი ამტკიცებდნენ, რომ ეს არ იქნებოდა ტრადიციული საჯარო გამოსვლა, არამედ ერთგვარი „განკურნების პროცესი”.
სასამართლოს მიმდინარეობისას 50 Cent დაუღალავად აკეთებდა ირონიულ კომენტარებს კომბსის შესახებ. მიმდინარე კვირას მან მოსამართლე სუბრამანიანს წერილიც კი მისწერა, სადაც მას კომბსისგან წამოსულ საშიშროებებზე აფრთხილებდა.
„პაფთან 20 წელი მქონდა კონფლიქტი,” – წერდა რეპერი. „ის ძალიან საშიშია. არაერთხელ გამომიცდია შიში… რაც არ უნდა იყოს, Diddy კვლავ დაუბრუნდება მეტი მამაკაცი სექსმუშაკების დაქირავებასა და საბავშვო ზეთის გადამალვას. ბავშვებს კი ის სჭირდებათ!”
პროსტიტუციის შესახებ ფედერალური კანონის დარღვევისთვის სასამართლომ Diddy-ს სასჯელად 50-თვიანი თავისუფლების აღკვეთა შეუფარდა. პროკურორები 11-წლიან პატიმრობას მოითხოვდნენ, რეპერის ადვოკატები კი შეფარდებულ სასჯელში უკვე მოხდილი 14 თვის ჩათვლას ელოდნენ.
განაჩენის გამოცხადებამდე სასამართლოს სიტყვით თავად Diddy-მ მიმართა. „თქვენო ღირსებავ, გთხოვთ შეწყალებას. გევედრებით შეწყალებას,” – ითხოვა რეპერმა.
მაშინ, როცა კომბსი მომდევნო სამ წელს კვლავ გისოსებს მიღმა გაატარებს, პარალელურად მას სექსუალური ძალადობის კიდევ არაერთ სამოქალაქო სარჩელზე მოუწევს პასუხისგება.
ნახეთ 50 Cent-ის პოსტი:
