ეს არის მუსიკალური პროექტი, რომელმაც ქართულ ფოლკლორსა და თანამედროვე ელექტრონიკას შორის უნიკალური ხაზი შექმნა. საღამო იმ ადგილას გაიმართა, სადაც პროექტი დაიბადა – პირველი საჯარო გამოსვლა TAMADA-ს სწორედ დედაენაში ჰქონდა.
„დღეს არის ლაივი, ხუთი წელი გავიდა პირველი რელიზიდან. რეალურად ორი კვირის წინ, მაგრამ დღეს შევძელით ამის დაგეგმვა. დედაენაში, სადაც პირველი საჯარო ბზრიალი გვქონდა, ყველაზე მაგარი, რაც მახსენდება, აქ დაიწყო ეს ყველაფერი და ხუთი წლის იუბილეც სწორედ აქ გვინდოდა, აღგვენიშნა. მერჩის გაყიდვა აქამდე არც გვიცდია და დღეს ივენთზე ხალათებიც გაიყიდება,“ – ამბობს TAMADA.
იუბილესთან ერთად ამ დღეს TAMADA-სა და ბრიტანელი ელექტონული მუსიკოსის, El Buho-ს კოლაბორაციული ტრეკი Dandelion გამოვიდა, რომელიც თანამედროვე ქართული ფოლკლორისა და ელექტრონული მუსიკის სინთეზს წარმოადგენს.
„ასევე დღეს გამოვიდა სიმღერა El buho-სთან, დიდი ხანი ველოდი ამ კოლაბორაციას. ჩემი ერთ-ერთი საყვარელი ელექტრონული მუსიკოსია და ძალიან გახარებული ვარ ცალკე ამ სიმღერის გამო, ცალკე ლაივისგან და ცალკე ლექსოს დაბადების დღეც არის, ასე რომ, ბევრი რამ ხდება. 10 დღეში მივფრინავ ამერიკაში და მაქვს ტური ნიუ-იორკში. ექვსი კონცერტი სხვადასხვა სივრცეში, მერე ევროპა და საქართველო, მერე ახალი წელიც მოვა. ახალ კლიპსაც ვამზადებ. ახლახანს გამოვიდა „სოხუმელი ბიჭი” ზურა ჯიშკარიანთან ერთად. ერთი არ გვეყო და ახალ კლიპზეც ვმუშაობთ, ჯამში კი სამი სიმღერა გვექნება ერთად,“ – ამბობს არტისტი.
