Billboard-ის მუსიკალური გზამკვლევი ყოველ კვირას აჯამებს იმ რელიზებს, რომლებიც, მოსალოდნელია, რომ უახლოეს დღეებში ყველა ფლეილისტში გაჩნდება.
Tame Impala – Deadbeat
Tame Impala-მ ბოლო წლებში თავისი მუსიკა უფრო რითმულ, სოულზე დაფუძნებულ ჟღერადობამდე მიიყვანა. თუმცა ჯგუფის ახალი ალბომის – Deadbeat-ის პირველი Hot 100-ის ჩარტის ჰიტი Dracula კლუბური ჟღერადობის სიმღერაა. მიუხედავად ამისა, ტექსტი ემოციურად აღქმადია, ხოლო ჟღერადობაში გამოკვეთილია ბიტები და მელოდიური სივრცეები, რომელშიც ჯგუფის ვოკალისტი კევინ პარკერი თავს კომფორტულად გრძნობს.
Joji – Pixelated Kisses
Joji-ს ახალი სიმღერა სიყვარულზეა, რომელთანაც მანძილები აშორებს. ტრეკი მელოდიურად მძიმე ბასზეა აგებული. მიუხედავად იმისა, რომ ეს მისი პირველი ახალი სიმღერაა ბოლო სამ წელიწადში და სულ 1:50 წუთს გრძელდება, Pixelated Kisses მაინც ახსენებს მსმენელს, რატომ ენატრებოდათ Joji და რატომ ღირს მისი დაბრუნების მოლოდინი.
5 Seconds of Summer – Boyband
ჯგუფის შესახებ ხშირად ისმის კითხვა, არის თუ არა 5 Seconds of Summer „ბოიბენდი”. ახალი სიმღერით კი ჯგუფი თითქოს თვითონვე იუმორით ეხება ასეთ რეპუტაციას. ტექსტში აშკარაა ირონია – წევრები თითქოს თან ეთანხმებიან ამ განსაზღვრებას და თანაც ირიბად უარყოფენ. საბოლოოდ, პასუხი მაინც გაურკვეველია, თუმცა სიმღერა ენერგიულობით გამოირჩევა.
ჩარლი პუთი – Changes
ახალ სიმღერაში lChanges ჩარლი პუთი ურთიერთობაში გაჩენილ დისტანციაზე მღერის. ტექსტის სევდიან თემასთან კონტრასტს ქმნის პოზიტიური, ენერგიული მელოდია. მუსიკალურად სიმღერა ასოცირდება სტივი უინდვუდის Higher Love-თან, თუმცა ხასიათდება თანამედროვე ჟღერადობით. სიმღერის პროდიუსერი The 1975-ის წევრი ჯორჯ დანიელია. სიმღერაში პუთი თავის მუსიკალურ ცოდნას კიდევ ერთხელ ამჟღავნებს და ე.წ. პრე-ბრიჯად სვამს პიანინოს სოლოს, რომელიც 80-იანი წლების პოპ-როკის ეპოქას გვახსენებს.
ტედი სვიმსი – You’ve Got Another Thing Coming
თუ ფიქრობდით, რომ ეს Judas Priest-ის ქავერი იქნებოდა, შეცდით. ტედი სვიმსის ახალი ტრეკი Netflix-ის სერიალიდან – Nobody Wants This, სოულისა და პოპის ჟღერადობით გამოირჩევა. სიმღერაში მსმენელს მდიდარი ორკესტრაცია ხვდება. სვიმსი ისე ახერხებს ემოციების გადმოცემას, რომ სიმღერა დამთრგუნველი არ არის.
მორგან უოლენი – Graveyard Whistling
მორგან უოლენი იშვიათად ასრულებს ქავერებს, ამიტომ მისი ახალი სინგლი Graveyard Whistling მოულოდნელი რელიზია. სიმღერის თავდაპირველი ვერსია 2014 წელს ჩაიწერა და ის Nothing But Thieves-ს ეკუთვნის. ახლა კი უფრო დიდ პლატფორმებზეა ხელმისაწვდომი. სიმღერის ენერგიული, გამოკვეთილი კულმინაცია უოლენს საშუალებას აძლევს, სხვა კუთხით წარმოაჩინოს თავი – უფრო მაღალი ტონალობითა და ემოციურობით, ვიდრე წინა ალბომში. შესაძლოა, ეს მისი სტილისთვის სრულად ავთენტური არ იყოს, მაგრამ შედეგი საინტერესოა და არტისტს უფრო არაპროგნოზირებად მუსიკოსად წარმოაჩენს.
