Juvenile-ის თქმით, 50 Cent-ის ემინემთან თანამშრომლობა მისი დამსახურებაა

ამრიკელი რეპერი Juvenile ამბობს, რომ 50 Cent-ის Shady Records-თან კონტრაქტი მისი დამსახურებაა. მისივე თქმით, ამას 50 Cent-იც ადასტურებს.

ნაილა სიმონთან ინტერვიუში Juvenile-მა ახსნა, რომ მას შემდეგ, რაც 50 Cent-ს თავს დაესხნენ და რეპერი სიკვდილს ძლივს გადაურჩა, ის მუსიკის ინდუსტრიაში მიუღებელ ფიგურად იქცა და არავის უნდოდა მასთან მუშაობა.

„მე დავეხმარე 50 Cent-ს კონტრაქტის გაფორმებაში ემინემთან. ჰკითხეთ, ის დაადასტურებს. იმ პერიოდში 50 ვერ ჩადიოდა სტუდიაში, ხოლო მე მქონდა სტუდიური ავტობუსი, ამიტომ შევთავაზე ჩანაწერის გაკეთება ჩემს ავტობუსში,” – თქვა რეპერმა. 

Juvenile-ის თქმით, ემინემმა ის მუსიკალური ვიდეოს გადაღებაზე დაპატიჟა. კლიპს  D12-ისთვის ნიუ-იორკში იღებდნენ, სადაც ასევე იყო G-Unit-ის პრეზიდენტი Sha Money XL.

„როდესაც მივედი Sha Money-სთან ერთად, პირველ რიგში ვუთხარი მას, რა ტიპის მუსიკას აკეთებდა ემინემი და რა ტიპის მუსიკას აკეთებდა 50 Cent,” – განმარტა Juvenile-მა და დაამატა, რომ 50-მა თავის წიგნშიც დაწერა მის როლზე, თუმცა არ მიუთითებია, თუ რომელ წიგნზე საუბრობდა.

Billboard-ი კომენტარისათვის 50 Cent-ის გუნდს დაუკავშირდა.