Billboard-ის საუკეთესო სადღესასწაულო ალბომების ჩარტი 2025 წლის სეზონით ბრუნდება. პირველი ნოემბრით დათარიღებულ სიაში ტოპ ათეულში კვლავ გვხვდება ყველასთვის საყვარელი, კლასიკად აღიარებული კომპოზიციები, მათ შორის: Vince Guaraldi Trio-ს საუნდტრეკი A Charlie Brown Christmas, მაიკლ ბუბლეის Christmas და მერაია კერის Merry Christmas, რომლებიც ჩარტში მეორე, მესამე და მეხუთე ადგილებზე იმყოფებიან.
ტოპ სადღესასწაულო ალბომების ჩარტი ყოველკვირეულად 2026 წლის იანვრის დასაწყისამდე გაგრძელდება, რის შემდეგაც მომავალ სადღსასწაულო სეზონამდე აღარ განახლდება. ჩვეულებრივ, Billboard-ის ყოველკვირეული სადღესასწაულო ჩარტი ოქტომბრის ბოლოს ახლდება.
Top Holiday Albums კვირის განმავლობაში ამერიკაში ყველაზე პოპულარულ 50 სეზონურ ალბომს აჯამებს, რომლებიც მრავალმეტრიკული სამომახმარებლო სისტემით ფასდება. ეს სისტემა ალბომების საერთო ერთეულს ითვლის, რომელიც ალბომებისა და ცალკეული ტრეკების გაყიდვების მაჩვენებლით და ასევე სტრიმინგ პლატფორმების მაჩვენებლით ფასდება.
ყველა სიახლისთვის შეგიძლიათ გამოიწეროთ @billboard და @billboardcharts გვერდები Twitter-სა და Instagram-ზე.
რაც შეეხება საუკეთესო სადღესასწაულო ალბომების ჩარტის ტოპ ათეულის დარჩენილ ნაწილს, ის ასე გამოიყურება: საბრინა კარპენტერი – Fruitcake (N 4), ბინგ კროსბის – Ultimate Christmas (N 6), ფრენკ სინატრა – Ultimate Christmas (N 7), ნატ კინგ კოული – The Christmas Song (N8), Pentatonix-ის The Best of Pentatonix Christmas (N9) და ენდი უილიამსის The Andy Williams Christmas Album (N10).
