ბოლო დღეებში გამოქვეყნებულმა სიახლეებმა, რომლებიც ამერიკის ხმისჩამწერ აკადემიას ეხება, შესაძლოა, გარკვეული მინიშნებები მოგვცეს იმის შესახებ, თუ რას უნდა ველოდოთ 7 ნოემბერს, გრემის ნომინაციების გამოცხადებისას.
3 ნოემბერს აკადემიის წარმომადგენლებმა განაცხადეს, რომ წელს მათ დაახლოებით 2 900 ახალი ჟიურის წევრი დაამატეს – ეს არის მრავალწლიანი პროცესის ნაწილი, რომელიც მიზნად ისახავს შესარჩევი კომიტეტის გამრავალფეროვნებას. ახლად მიღებული წევრების 49% 39 წელს ქვემოთაა, 60% სხვადასხვა ეთნიკურ ჯგუფს მიეკუთვნება, ხოლო 30% – ქალად იდენტიფიცირდება.
გარდა ამისა, Recording Academy-ში გაწევრიანების შესახებ მოწვევა გაეგზავნა Latin Recording Academy-ს კომიტეტის წევრებს. ბევრმა მათგანმა ეს შეთავაზება მიიღო, რაც სერიოზული სიგნალია, რომ Bad Bunny-მ შეიძლება მეორე ნომინაცია მიიღოს წლის ალბომის კატეგორიაში თავისი დისკით – Debí Tirar Más Fotos. ის აქამდეც ერთ-ერთ მთავარ ფავორიტად ითვლებოდა, მით უფრო მას შემდეგ, რაც 28 სექტემბერს გამოცხადდა, რომ მომავალ წელს Super Bowl-ის შოუს მთავარი შემსრულებელი იქნება. Latin Recording Academy-ს წევრების ფაქტორი პოზიციებს უმყარებს Karol G-საც.
კიდევ ერთი სიახლეა ის, რომ აკადემიამ დაასახელა ვარსკვლავები, რომლებიც პარასკევის ნომინაციების პირდაპირ ეთერში მიიღებენ მონაწილეობას, მათ შორის ისინიც, ვინც თავადაც ელის ნომინაციას: საბრინა კარპენტერი, ჩაპელ როუნი, ბრენდი კარლაილი, Doechii, ჯონ ბატისტი და Karol G.
რა თქმა უნდა, ნომინაციების წამყვანის სტატუსი ავტომატურად არ ნიშნავს, რომ არტისტი აუცილებლად იქნება ნომინირებული.
გთავაზობთ ალბომებს, რომლებსაც წელს ნომინაციის მიღების დიდი შანსი აქვთ:
კენდრიკ ლამარი (GNX) და ლედი გაგა (MAYHEM), სავარაუდოდ, წლის ალბომის ნომინანტთა ყველაზე გამოკვეთილი ფავორიტები არიან. ეს ორივესთვის, როგორც სოლო არტისტებისთვის, მეხუთე ნომინაცია იქნება ამ კატეგორიაში, თუმცა არცერთს არასოდეს გაუმარჯვია ამ ნომინაციის ფარგლებში.
თუ ლამარს დაასახელებენ, ის გახდება პირველი სოლო არტისტი გრემის ისტორიაში, რომელსაც წლის ალბომის კატეგორიაში ზედიზედ ხუთი სტუდიური ნამუშევარი ექნება ნომინირებული.
ელტონ ჯონმა და Coldplay-მაც შეიძლება მეოთხე ნომინაცია მიიღონ. ჯონისთვის ეს იქნება კოლაბორაციული ალბომი Who Believes in Angels?, ხოლო Coldplay-სთვის – Moon Music.
თუ წლის ალბომის კატეგორიაში ერთდროულად სამი რეპალბომი მოხვდება, ესეც ისტორიული მომენტი იქნება – აქამდე მაქსიმუმ ორი რეპალბომი იყო ნომინირებული. ლამარის GNX-ს პრაქტიკულად გარანტირებულად აქვს ნომინაცია, ხოლო Clipse-ის Let God Sort Em Out და Tyler, the Creator-ის CHROMAKOPIA-ს საკმაო შანსები აქვთ.
დებიუტებსაც ხშირად დიდი პერსპექტივა აქვთ. წელს კონკურენტებს შორის არიან: ლეონ თომასი – Mutt, ალექს უორენი – You’ll Be Alright, Kid და sombr – I Barely Know Her.
ოლივია დინის ალბომი The Art of Loving კი გრემის ნომინანტად დასახელების ვალიდურ ვადებს მიღმა გამოვიდა, ამიტომ გაისად მიიღებს მონაწილეობას, თუმცა ამ წელს საუკეთესო ახალი არტისტის ნომინაციის ერთ-ერთი ფავორიტია.
სხვა ძლიერი პრეტენდენტები არიან The Weeknd-ის Hurry Up Tomorrow, ტეიტ მაკრეის So Close to What, Laufey-ს A Matter of Time, ბონ აივერის SABLE, fABLE, Jelly Roll-ის Beautifully Broken, HAIM-ის I Quit, Lorde-ის Virgin და Kali Uchis-ის Sincerely.
სავარაუდო რვა ნომინანტი წლის ალბომის კატეგორია კი ასე გამოიყურება:
Bad Bunny – Debí Tirar Más Fotos
ERIC ROJAS
სამი წლის წინ Bunny-ს Un Verano Sin Ti გახდა პირველი სრულად ესპანურენოვანი ალბომი, რომელმაც წლის ალბომის ნომინაცია მიიღო. Nadie Sabe… სიაში ვერ მოხვდა, მაგრამ ახალ ალბომს საუკეთესო შეფასებები აქვს და ჩარტებშიც ხანგრძლივი პერიოდი ლიდერობდა.
Super Bowl-ის შოუს ჰედლაინერობა კი პირდაპირ Grammy-ს დაჯილდოების სეზონს დაემთხვა, რაც მნიშვნელოვნად ზრდის ჩანაწერის პოპულარობას.
ამასთან, Bunny-ს არჩევანზე ატეხილმა რასისტულმა სკანდალმა, შესაძლოა, მხარდაჭერის ეფექტიც გამოიწვიოს და Grammy-ის ხმის მიცემის კომიტეტის წევრებმა სოლიდარობის ნიშნად მას დაუჭირონ მხარი. თუ Bunny ნომინაციას მიიღებს, ის გახდება 2004 წლის შემდეგ (ჯასტინ ტიმბერლეიკი) პირველი არტისტი, რომელიც იმავე წელს არის Super Bowl-ის მთავარი ჰედლაინერიც და Grammy-ზე წლის ალბომის ნომინანტიც.
საბრინა კარპენტერი – Man’s Best Friend
BRYCE ANDERSON
კარპენტერი უკვე იყო ნომინანტი Short n’ Sweet-ით და აქვს შანსი, გახდეს მესამე არტისტი ბოლო ათწლეულში, ვინც ორი წლის განმავლობაში ზედიზედ მიიღებს ამ კატეგორიის ნომინაციას (H.E.R.-ის და ტეილორ სვიფტის შემდეგ).
Clipse – Let God Sort Em Out
CIAN MOORE
ფარელ უილიამსის პროდიუსინგით შექმნილმა ალბომმა დუეტის კარიერაში საუკეთესო პირველი კვირა აჩვენა და კრიტიკოსების მოწონება დაიმსახურა. თუ ალბომი ნომინაციას მიიღებს, ეს ერთდროულად იქნება როგორც კონკრეტული ნამუშევრის აღიარება, ასევე დუეტის კარიერული მნიშვნელობის აღნიშვნა.
ელტონ ჯონი & ბრენდი კარლაილი – Who Believes in Angels?
PEGGY SIROTA
თუ ეს ალბომი მოხვდება ნომინაციებში, ელტონ ჯონს წლის ალბომის ნომინაციებს შორის 55-წლიანი პაუზა ექნება. ეს შედეგი მხოლოდ ტონი ბენეტს აქვს თავისი კარიერის მანძილზე.
ლედი გაგა – Mayhem
FRANK LEBON
გაგას უკვე 14 გრემი აქვს, მაგრამ ჯერ არცერთხელ მოუგია დიდი ოთხეულიდან ჯილდო. Mayhem შეიძლება მისი დიდი შანსი იყოს. ალბომი ასევე იბრძვის საუკეთესო ვოკალური პოპალბომის ნომინაციისთვის, სადაც ლედი გაგას უკვე აქვს მიღებული გრემი.
კენდრიკ ლამარი – GNX
Dave Free
თუ ლამარს დაასახელებენ წლის ალბომის ნომინანტად, ის პირველი რეპერი გახდება, რომელსაც ამ კატეგორიაში ხუთი ნომინაცია აქვს, როგორც წამყვან არტისტს. GNX ასევე ფავორიტია საუკეთესო რეპალბომის კატეგორიაშიც, სადაც კენდრიკი უკვე სამ ჯილდოს ფლობს.
Tyler, The Creator – CHROMAKOPIA
ტაილერი უკვე ხანგრძლივად მიჰყვება განვითარების გზას და ყოველ ალბომთან ერთად მის მიმართ კრიტიკული და კომერციული ინტერესიც მატულობს. CHROMAKOPIA მისი ყველაზე სტაბილურად წარმატებული ალბომი და ერთ-ერთი ყველაზე განხილვადი რეპ რელიზია წელს.
The Weeknd – Hurry Up Tomorrow
Beauty Behind the Madness-ის შემდეგ The Weeknd-მა სამჯერ გამოტოვა წლის ალბომის ნომინაცია, ხოლო 2021-ში საერთოდ ვერცერთ ნომინაციაში ვერ მოხვდა, რაც სკანდალად იქცა. ახლა კი, გრემის სცენაზე მოულოდნელი დაბრუნების შემდეგ, მისი შანსი ისევ რეალურია.
